୩୭୧ କରୋନା ଆକ୍ରାନ୍ତ ସୁସ୍ଥ : ଆରୋଗ୍ୟଙ୍କ ସଂଖ୍ୟା ୩ ଲକ୍ଷ ୨୩ ହଜାର ୭୪୯କୁ ବୃଦ୍ଧି

ଭୁବନେଶ୍ବର : ଶନିବାର ରାଜ୍ୟରୁ ଆଉ ୩୭୧ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏଥିସହିତ ମୋଟ୍ ଆରୋଗ୍ୟଙ୍କ ସଂଖ୍ୟା ୩ ଲକ୍ଷ ୨୩ ହଜାର ୭୪୯କୁ ବୃଦ୍ଧି ପାଇଛି । ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି ।

ଆଜି ଖୋର୍ଦ୍ଧାରୁ ସର୍ବାଧିକ ୪୭, ସୁନ୍ଦରଗଡ଼ରୁ ୩୮, ଅନୁଗୋଳରୁ ୩୨, ବଲାଙ୍ଗୀର ଓ କଟକରୁ ୨୮ ଜଣ ଲେଖାଏଁ, ସମ୍ବଲପୁରରୁ ୨୭, କେନ୍ଦୁଝରରୁ ୨୦, ବାଲେଶ୍ବର, ଯାଜପୁର ଓ ମୟୂରଭଞ୍ଜରୁ ୧୬ ଜଣ ଲେଖାଏଁ ଏବଂ ନୂଆପଡାରୁ ୧୫ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି।

ସେହିପରି ଜଗତସିଂହପୁରରୁ ୧୧, କେନ୍ଦ୍ରାପଡାରୁ ୯, ବରଗଡ଼ରୁ ୮, ଝାରସୁଗୁଡାରୁ ୭, ଢେଙ୍କାନାଳ ଓ  କୋରାପୁଟରୁ ୬ ଜଣେ  ଲେଖାଁଏ, ଭଦ୍ରକରୁ ୫,  ଗଜପତି ଓ ଗଞ୍ଜାମରୁ  ୪ ଜଣ ଲେଖାଏଁ, କଳାହାଣ୍ଡି, ନବରଙ୍ଗପୁର, ପୁରୀ ଓ ରାୟଗଡ଼ାରୁ ୩ ଜଣ ଲେଖାଏଁ, ମାଲକାନଗିରି ଓ  ସୁବର୍ଣ୍ଣପୁରରୁ ୨ଜଣ ଲେଖାଁଏ ଏବଂ ଦେବଗଡ ଓ ନୟାଗଡ଼ରୁ ଜଣେ ଲେଖାଁଏ କରୋନା ଆକ୍ରାନ୍ତ ଆରୋଗ୍ୟ ଲାଭ କରିଛନ୍ତି।

ଅନ୍ୟ ପକ୍ଷରେ  ଷ୍ଟେଟ୍ ପୁଲରୁ ୧୦ଜଣ କରୋନା ସଂକ୍ରମିତ ସୁସ୍ଥ ହୋଇଛନ୍ତି। ଏଥି ସହିତ ରାଜ୍ୟରେ ସମୁଦାୟ ଆରୋଗ୍ୟଙ୍କ ସଂଖ୍ୟା ୩ ଲକ୍ଷ ୨୩ ହଜାର ୭୪୯କୁ ବୃଦ୍ଧି ପାଇଛି।

Comments
Loading...