ଲଣ୍ଡନ୍ : ବ୍ୟକ୍ତିଗତ ଋଣ ସୁଝିବାକୁ ଏବଂ ଓକିଲ ଫିସ୍ ଦେବାକୁ ଘରେ ଥିବା ସୁନା ବିକ୍ରି କରିଛନ୍ତି ଶିଳ୍ପପତି ଅନୀଲ ଅମ୍ବାନୀ। ଲଣ୍ଡନ କୋର୍ଟଙ୍କୁ ଏହିଭଳି ଚକିତ କରିଦେବା ଭଳି ବୟାନ୍ ଦେବାର ଦିନ କେଇଟା ନ ପୂରୁଣୁ ଅନୀଲଙ୍କ ବିଦେଶ ସମ୍ପତ୍ତି ଜବତ କରିବାକୁ ଅଣ୍ଟା ଭିଡିଲାଣି ଋଣଦାତା ଚାଇନା ବ୍ୟାଙ୍କ ସମୂହ। ଏହି ପ୍ରସଙ୍ଗରେ ଚୀନର ଇଣ୍ଡଷ୍ଟ୍ରିଆଲ ଆଣ୍ଡ୍ କମର୍ସିଆଲ ବ୍ୟାଙ୍କ ଅଫ୍ ଇଣ୍ତିଆ, ଚାଇନା ଡେଭଲପମେଣ୍ଟ ବ୍ୟାଙ୍କ ଏବଂ ଏକ୍ସିମ୍ ବ୍ୟାଙ୍କ ଅଫ୍ ଚାଇନା ପକ୍ଷରୁ ଲଣ୍ଡନ କୋର୍ଟରେ ମାମଲା ଦାଏର କରାଯାଇଥିଲା। ଏବେ ଏହି ବ୍ୟାଙ୍କ ସମୂହ ଅନୀଲଙ୍କ ବିଦେଶରେ ରହିଥିବା ସମ୍ପତ୍ତି ଜବତ କରିବାକୁ ନିଷ୍ପତ୍ତି ନେଇଛନ୍ତି। ସୂଚନାଯୋଗ୍ୟ ଚାଇନାଭିତ୍ତିକ ବ୍ୟାଙ୍କଗୁଡିକରୁ ଅନୀଲ ୫୨୭୬ କୋଟି ଟଙ୍କା( ୭୧୬ ନିୟୁତ ଡଲାର)ର ଋଣ କରିଛନ୍ତି। ଏହି ଋଣ ସୁଧ ୭.୦୪ କୋଟି ଟଙ୍କା ସହ ପରିଶୋଧ କରିବାକୁ ଚଳିତବର୍ଷ ମେ’ ୨୨ରେ ଲଣ୍ଡନ୍ କୋର୍ଟ ଅନୀଲଙ୍କୁ ନିର୍ଦେଶ ଦେଇଥିଲେ। ଋଣ ସୁଝିବାକୁ ଏବଂ ଓକିଲ ଫିସ୍ ଦେବାକୁ ଘରେ ଥିବା ସୁନା ବିକ୍ରି କରିଥିବା ଅନୀଲ ନିକଟରେ କୋର୍ଟରେ ବୟାନ୍ ଦେଇଥିଲେ। ଗୋଟିଏ କାରକୁ ବାଦଦେଲେ ତାଙ୍କ ପାଖରେ କୌଣସି ସମ୍ପତ୍ତି ନ ଥିବା ସେ କହିଥିଲେ।
Comments are closed.