ଭୁବନେଶ୍ବର: କରୋନାରେ ଗୁରୁତର ଅମ୍ରିତ ପ୍ରଧାନଙ୍କୁ ଏୟାରଲିଫ୍ଟ କରାଗଲା। ଏୟାର ଆମ୍ବୁଲାନ୍ସରେ ଚେନ୍ନାଇ ଆପୋଲୋ ହସ୍ପିଟାଲ ଗଲେ ଅମ୍ରିତ। ଭୁବନେଶ୍ବର ଏୟାରପୋର୍ଟ ଯାଏ ଗ୍ରୀନ କରିଡର ଗଲା ଅମ୍ରିତଙ୍କ ଆମ୍ବୁଲାନ୍ସ। ଭୁବନେଶ୍ବର ଏମ୍ସରୁ ଏୟାରପୋର୍ଟ ପର୍ଯ୍ୟନ୍ତ ୧୧ ମିନିଟରେ ପହଞ୍ଚିଲା ଆମ୍ବୁଲାନ୍ସ। କରୋନା ଆକ୍ରାନ୍ତ ହୋଇ ଗୁରୁତର ଅଛନ୍ତି ୨୪ବର୍ଷୀୟ ଅମ୍ରିତ ପ୍ରଧାନ। ପରିବାରର ଅନ୍ୟମାନେ ସଂକ୍ରମିତ ହେବା ପରେ ସଂକ୍ରମିତ ହୋଇଥିଲେ ଅମ୍ରିତ। ବାପାମା’ କରୋନାରୁ ସୁସ୍ଥ ହୋଇଥିଲେ ବି ଅମ୍ରିତ ଗୁରୁତର ହୋଇପଡ଼ିଥିଲେ। ନିମୋନିଆ ଏବଂ ସେଫ୍ଟିସେମିଆରେ ପୀଡ଼ିତ ହୋଇପଡ଼ିଥିଲେ ଅମ୍ରିତ। ଅମ୍ରିତଙ୍କ ଫୁସଫୁସ ମଧ୍ୟ ଅନେକାଂଶରେ କ୍ଷତିଗ୍ରସ୍ତ ହୋଇପଡ଼ିଥିଲା। ଜରୁରୀ ଚିକିତ୍ସା ପାଇଁ ମେସିନ ଦରକାର ଥିଲେ ବି ଅଭାବ ପଡ଼ିଥିଲା। ଭୁବନେଶ୍ବର ଏମ୍ସରେ ଇସିଏମଓ ନ ଥିବାରୁ ଚେନ୍ନାଇ ପଠାଯିବା ଜରୁରୀ ଥିଲା। ଚେନ୍ନାଇରେ ଚିକିତ୍ସା ପାଇଁ ୧କୋଟିରୁ ଅଧିକ ଅର୍ଥ ଦରକାର ପଡୁଥିଲା। ବିପୁଳ ପରିମାଣର ଅର୍ଥ ଦେବାକୁ ପରିବାର ଲୋକେ ସକ୍ଷମ ନ ଥିଲେ। ସାରା ଦେଶବାସୀଙ୍କୁ ଅନଲାଇନରେ ସହାୟତା ମାଗିଥିଲେ ଅମ୍ରିତଙ୍କ ଭଉଣୀ ମନିଷା ପ୍ରଧାନ। ଏବେ ଦେଶର ବିଭିନ୍ନ ବର୍ଗର ଲୋକେ ସହାୟତା ପଠାଉଛନ୍ତି ବୋଲି ମନିଷା ସୂଚନା ଦେଇଛନ୍ତି। ଏବେ ଅମ୍ରିତଙ୍କୁ ଚେନ୍ନାଇ ପଠାଯାଇଥିବାବେଳେ ପରିବାର ଲୋକେ ସାହାଯ୍ୟ ନିବେଦନ କରିଛନ୍ତି।
Comments are closed.