ଜିଲାପାଳଙ୍କୁ ୪୮ ଘଣ୍ଟା ମଧ୍ୟରେ ’ଅମ୍ପନ’ କ୍ଷୟକ୍ଷତି ରିପୋର୍ଟ ମାଗିଲେ ସରକାର

ଭୁବନେଶ୍ବର: ସାମୁଦ୍ରିକ ମହାବାତ୍ୟା ‘ଅମ୍ପନ’ ରାଜ୍ୟର ବିିଭିନ୍ନ ସ୍ଥାନରେ ବ୍ୟାପକ କ୍ଷତି ଘଟାଇଛି । ଉପକୂଳ ଓଡ଼ିଶାର ୪ ଜିଲା ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ, ଯାଜପୁର, ବାଲେଶ୍ବରରେ ବିପୁଳ କ୍ଷତି ଘଟିଛି । ଫସଲ ନଷ୍ଟ ହୋଇଛି, ଘର ଭାଙ୍ଗିଛି, ବିଜୁଳି ଖୁଣ୍ଟ ଉପୁଡ଼ିଛି, କେଉଁଠି ରାସ୍ତା ଧୋଇ ଯାଇଛି । ତେଣୁ କେଉଁ ଅଞ୍ଚଳରେ କେତେ କ୍ଷତି ଘଟିଛି ସେ ସମ୍ପର୍କରେ ଜିଲାପାଳମାନଙ୍କୁ ରିପୋର୍ଟ ମାଗିଛନ୍ତି ରାଜ୍ୟ ସରକାର । ୪୮ ଘଣ୍ଟା ମଧ୍ୟରେ କ୍ଷୟକ୍ଷତି ରିପୋର୍ଟ ଦେବାକୁ ସରକାର ନିର୍ଦେଶ ଦେଇଛନ୍ତି ।

ରାଜ୍ୟ ସ୍ୱତନ୍ତ୍ର ରିଲିଫ କମିଶନର(ଏସଆରସି) ପ୍ରଦୀପ କୁମାର ଜେନା ଆଜି ଗଣମାଧ୍ୟମକୁ ଏ ସମ୍ପର୍କରେ ସୂଚନା ଦେଇଛନ୍ତି । ସେ କହିଛନ୍ତି ଯେ ‘ଅମ୍ପନ’ ଯୋଗୁଁ  ଯୋଗୁ ହୋଇଥିବା କ୍ଷୟକ୍ଷତି ସମ୍ପର୍କରେ ୪୮ଘଣ୍ଟା ମଧ୍ୟରେ ପ୍ରାଥମିକ ଆକଳନ ରିପୋର୍ଟ ପଠାଇବା ନିମନ୍ତେ ଜିଲ୍ଲାପାଳମାନଙ୍କୁ ନିର୍ଦେଶ ଦିଆଯାଇଛି ।  ସେମାନଙ୍କଠୁ ରିପୋର୍ଟ ମିଳିବା ପରେ ସରକାର କ୍ଷୟକ୍ଷତି ଆକଳନ କରିବେ । ଜିଲ୍ଲାପାଳମାନେ ପରବର୍ତ୍ତୀ ସମୟରେ ଚୂଡ଼ାନ୍ତ କ୍ଷୟକ୍ଷତି ରିପୋର୍ଟ ଦେବେ । ପ୍ରାକ୍ ଆକଳନ କ୍ଷୟକ୍ଷତି ରିପୋର୍ଟ ମିଳିବା ପରେ କ୍ଷତିଗ୍ରସ୍ତ ଲୋକମାନଙ୍କୁ କ୍ଷତିପୂରଣ ସରକାରୀ ଗାଇଡଲାଇନ୍ ଅନୁସାରେ ପ୍ରଦାନ କରାଯିବ । 

Comments are closed.