କରୋନା ସଂକ୍ରମଣ : ଆରୋଗ୍ୟ ଲାଭ କରି ଘରକୁ ଫେରିଲେ ବିଗ୍‍-ବି ଅମିତାଭ ବଚ୍ଚନ

ମୁମ୍ବଇ : କରୋନା ସଂକ୍ରମଣରୁ ଆରୋଗ୍ୟ ଲାଭ କରି ବିଗ୍‍-ବି ଅମିତାଭ ବଚ୍ଚନ ରବିବାର ଘରକୁ ଫେରିଛନ୍ତି। ଏ ନେଇ ନିଜେ ଟୁଇଟ କରି ସେ ସୂଚନା ଦେଇଛନ୍ତି।

ସୂଚନାଯୋଗ୍ୟ, ଜୁଲାଇ ୧୧ ତାରିଖରେ ଅମିତାଭ ବଚ୍ଚନ କରୋନା ଭାଇରସରେ ସଂକ୍ରମିତ ହୋଇଥିଲେ, ତାଙ୍କୁ ନାନାବତି ହସ୍ପିଟାଲରେ ଭର୍ତ୍ତି କରାଯାଇଥିଲା। ପରେ ପୁଅ ଅଭିଷେକ ବଚ୍ଚନ, ବୋହୁ ଐଶ୍ୱର୍ଯ୍ୟା ଏବଂ ନାତୁଣୀ ଆରାଧ୍ୟା ମଧ୍ୟ କରୋନା ସଂକ୍ରମିତ ହୋଇଥିଲେ। ସମସ୍ତେ ନାନାବତି ହସ୍ପିଟାଲରେ ଭର୍ତ୍ତି ହୋଇଥିଲେ। ତେବେ ଚିକିତ୍ସା ପରେ ଐଶ୍ୱର୍ଯ୍ୟା ଏବଂ ଆରାଧ୍ୟାଙ୍କର ରିପୋର୍ଟ ନେଗେଟିଭ ଆସିବାରୁ ଘରକୁ ଫେରିଥିଲେ। ଅଭିଷେକ ବଚ୍ଚନ ଏବେ ବି ହସ୍ପିଟାଲରେ ଚିକିତ୍ସିତ ହେଉଛନ୍ତି। ତେବେ ଆଜି ଅମିତାଭଙ୍କ ରିପୋର୍ଟ ନେଗେଟିଭ ଆସିବା ପରେ ସେ ଘରକୁ ଫେରିଛନ୍ତି।

Comments are closed.