ମମତା ଏବଂ ରାହୁଲ ସିଏଏରେ ଏମିତି କିଛି ଦେଖାନ୍ତୁ ଯାହା କୌଣସି ନାଗରିକର ନାଗରିକତ୍ବ ଛଡାଇ ନେବ: ଅମିତ ଶାହା

ମଧ୍ୟପ୍ରଦେଶ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ରାହୁଲ ଗାନ୍ଧୀ ନାଗରିକତ୍ବ ସଂଶୋଧନ ଆଇନରେ ଏମିତି କିଛି ଦେଖାନ୍ତୁ ଯାହା କୌଣସି ଭାରତୀୟ ନାଗରିକର ନାଗରିକତ୍ବ ଛଡାଇ ନେବ ବୋଲି କହିଛନ୍ତି କେନ୍ଦ୍ର ଗୃହ ମନ୍ତ୍ରୀ ଅମିତ ଶାହା। ବୁଧବାର ମଧ୍ୟପ୍ରଦେଶର ଜବଲପୁରରେ ଏକ ଜନସଭାକୁ ଉଦବୋଧନ ଦେଇ ଶାହା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ରାହୁଲ ଗାନ୍ଧୀଙ୍କୁ ଟାର୍ଗେଟ କରିଥିଲେ। ଏହି ଅବସରରେ ଶାହା କହିଥିଲେ ସିଏଏକୁ ବିରୋଧ କରି ଦେଶରେ ଅରାଜକତା ସୃଷ୍ଟି କରୁଥିବା କଂଗ୍ରେସ ଏବଂ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସିଏଏରେ ଏମିତି କିଛି ଦେଖାନ୍ତୁ ଯେଉଁଥିରେ ଜଣେ ଭାରତୀୟ ନାଗରିକର ନାଗରିକତ୍ବ ଛଡାଇ ନେବାର ପ୍ରାବଧାନ ରହିଛି।

ଏହି ଅବସରରେ ଶାହା କହିଛନ୍ତି ଭାରତ ଉପରେ ଯେତିକି ଅଧିକାର ମୋର ଏବଂ ଆପଣମାନଙ୍କର ରହିଛି ସେତିକି ଅଧିକାର ପାକିସ୍ତାନରୁ ଆସିଥିବା ହିନ୍ଦୁ,ଶିଖ୍,ବୁଦ୍ଧିଷ୍ଟ ଏବଂ ଖ୍ରୀଷ୍ଟିୟାନ ଶରଣାର୍ଥୀଙ୍କର ମଧ୍ୟ ରହିଛି।

 

ଅମିତ ଶାହା ଏହି ଅବସରରେ କଂଗ୍ରେସର ବରିଷ୍ଠନେତା କପିଲ ଶିବଲଙ୍କୁ କଟାକ୍ଷ କରି କହିଛନ୍ତି ‘ ସୁପ୍ରିମକୋର୍ଟରେ ଓକିଲଥିବା କଂଗ୍ରେସର ବରିଷ୍ଠ ନେତା କପିଲ ଶିବଲ ରାମ ମନ୍ଦିର ନିର୍ମାଣକୁ ବିରୋଧ କରୁଥିଲେ କିନ୍ତୁ ସେ ସଫଳ ହୋଇପାରିଲେ ନାହିଁ। କପିଲ ଭାଇ ଯେତେ ଶକ୍ତି ଅଛି ରାମ ମନ୍ଦିର ନିର୍ମାଣକୁ ବିରୋଧ କରନ୍ତୁ ,ଚାରି ମାସ ମଧ୍ୟରେ ଆମେ ଗଗନଚୁମ୍ବି ରାମ ମନ୍ଦିର ନିର୍ମାଣ କରିଦେଖାଇବୁ।

Comments
Loading...