ଆମେରିକାରେ ସଂଗୀତ ମହୋତ୍ସବରେ ଅଘଟଣ ; ୮ ମୃତ

ୱାଶିଂଟନ : ଆମେରିକାରେ ଚାଲିଥିବା ସଂଗୀତ ମହୋତ୍ସବରେ ( music festival ) ଏକ ବଡ ଧରଣର ଅଘଟଣ ଘଟିଥିବା ନେଇ ଆଜି ଖବର ମିଳିଛି। ଏହି ଦୁର୍ଘଟଣାରେ ଆଠ ଜଣଙ୍କର ମୃତ୍ୟୁ ହୋଇଥିବା ଜଣାଯାଇଛି। ଏଥି ସହିତ ଅଧିକାରୀମାନେ କହିଛନ୍ତି ଯେ ଏହି ଦୁର୍ଘଟଣାରେ ଅନେକ ଲୋକ ଆହତ ହୋଇଛନ୍ତି। ଆମେରିକାର ଅଧିକାରୀ  କହିଛନ୍ତି ଯେ ଘଟଣାର ପ୍ରକୃତ କାରଣ ଏପର୍ଯ୍ୟନ୍ତ ଜଣା ପଡିନାହିଁ। ତେବେ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି।
ସୂଚନା ଅନୁଯାୟୀ, ଅନିୟନ୍ତ୍ରିତ ଭିଡ଼ ଯୋଗୁଁ ଏହି ଦୁର୍ଘଟଣା ଘଟିଛି। କୁହାଯାଉଛି ଯେ ସଂଗୀତ ମହୋତ୍ସବ ହେତୁ ଲୋକମାନେ ମଞ୍ଚ ନିକଟକୁ ଯିବାକୁ ଅନିୟନ୍ତ୍ରିତ ଥିଲେ। ଏହି ସମୟରେ ଅସମ୍ଭାଳ ଭିଡ କାରଣରୁ ଲୋକେ ପରସ୍ପର ମଧ୍ୟରେ ଦଳାଚକଟା  ହୋଇଗଲେ ଫଳରେ ଏଥିରେ ଆଠ ଜଣଙ୍କର ମୃତ୍ୟୁ ହୋଇଥିଲା। କୁହାଯାଉଛି ଯେ ପ୍ରାୟ ୩୦୦ ଲୋକ ଆହତ ହୋଇଛନ୍ତି , ଯେଉଁଥିରେ ୧୭ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏଥିରେ ୧୧ ଜଣଙ୍କ ଅବସ୍ଥା ଗୁରୁତର ରହିଛି।

Comments are closed.