ସୋନିପତ.- ହରିୟାଣାର ସୋନିପତରେ କଂଗ୍ରେସର ରାଲି ଯୋଗୁଁ ହୋଇଥିବା ଟ୍ରାଫିକ ଜାମରେ ଏକ ଆମ୍ବୁଲାନସ୍ ଫସିଯିବାରୁ ଜଣେ ଗୁରୁତର ଶିଶୁର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏକ ସାତ ମାସର ଶିଶୁ ଗୁରୁତର ହେବାରୁ ଡାକ୍ତରଖାନାକୁ ଆମ୍ବୁଲାନସ୍ରେ ନିଆଯାଉଥିଲା ମାତ୍ର ସେହିସମୟରେ କଂଗ୍ରେସର ଏକ ରାଲି ଯାଉଥିଲା । ରାଲିରେ ଆମ୍ବୁଲାନ୍ସଟି ୩୦ରୁ ୪୦ ମିନିଟ ପର୍ଯ୍ୟନ୍ତ ଫସି ରହିଥିଲା ବୋଲି ଶିଶୁର ପରିବାର ଲୋକ ଅଭିଯୋଗ କରିଛନ୍ତି ।
ଏହାପରେ ହରିୟାଣା ସ୍ୱାସ୍ଥ୍ୟ ମନ୍ତ୍ରୀ ଅନୀଲ ଭିଜ୍ ଏହାର ତଦନ୍ତ ନିର୍ଦେଶ ଦେଇଛନ୍ତି । ଏହି ରାଲିରେ ହରିୟାଣା କଂଗ୍ରେସର ଅଧ୍ୟକ୍ଷ ଅଶୋକ ତନଓ୍ୱାର ଅଂଶଗ୍ରହଣ କରିଥିଲେ । ସେ ‘ହରିୟାଣା ବଞ୍ଚାଅ ପରିବର୍ତନ ଲାଓ’ ସାଇକେଲ ରାଲିରେ ଆୟୋଜନ କରିଥିଲେ । ଏହି ଘଟଣା ପରେ ମୃତ ଶିଶୁର ପରିବାର ଲୋଲ କୁଣ୍ଡଳି ଥାନାରେ ମାମଲା ରୁଜୁ କରିଛନ୍ତି ।