‘ଆମ୍‍ ଆଇ’ ଦେଶାତ୍ମବୋଧକ କ୍ଷୁଦ୍ର ଚଳଚ୍ଚିତ୍ର ପ୍ରତିଯୋଗିତାରେ ପ୍ରଥମ

କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାବଡେକର ସ୍ୱାଧୀନତା ଦିବସ ପାଳନ ଉପଲକ୍ଷେ ତାଙ୍କ ମନ୍ତ୍ରଣାଳୟ ଦ୍ୱାରା କରାଯାଇଥିବା କ୍ଷୁଦ୍ର ଚଳଚ୍ଚିତ୍ର ପ୍ରତିଯୋଗିତାର ବିଜେତାମାନଙ୍କୁ ଶୁଭେଚ୍ଛା ଜଣାଇଛନ୍ତି। ଚଳିତ ଥର ଆତ୍ମନିର୍ଭରତା ବିଷୟ ଉପରେ ଜାତୀୟ ଚଳଚ୍ଚିତ୍ର ବିକାଶ ନିଗମ ଦ୍ୱାରା ଏହି ଅନ୍‍ଲାଇନ୍‍ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ମନ୍ତ୍ରୀ ଶ୍ରୀ ଜାବଡେକର ଏକ ଟ୍ୱିଟ୍‍ କରି ସମସ୍ତ ପ୍ରତିଯୋଗୀଙ୍କୁ ଧନ୍ୟବାଦ ଜଣାଇଛନ୍ତି।

ଏହି ପ୍ରତିଯୋଗିତାରେ ‘ଆମ୍‍ ଆଇ’ କ୍ଷୁଦ୍ର ଚଳଚ୍ଚିତ୍ର ପାଇଁ ଅଭିଜିତ୍‍ ପଲ୍‍ ପ୍ରଥମ ପୁରସ୍କାର ପାଇଥିବାବେଳେ ‘ଅବ୍‍ ଇଣ୍ଡିଆ ବନେଗା ଭାରତ’ ପାଇଁ ଦେବୋଜୋ ସଞ୍ଜୀବ୍‍ ଦ୍ୱିତୀୟ ପୁରସ୍କାର ଏବଂ ‘ଟେନ୍‍ ରୁପିଜ୍‍’ ପାଇଁ ଯୁବରାଜ ଗୋକୁଲ୍‍ ତୃତୀୟ ପୁରସ୍କାର ଜିତିଛନ୍ତି। ପୁରସ୍କାର ରାଶି ବାବଦକୁ ପ୍ରଥମ ସ୍ଥାନ ପାଇଁ ଏକ ଲକ୍ଷ ଟଙ୍କା, ଦ୍ଵିତୀୟ ସ୍ଥାନ ପାଇଁ ପଚାଶ ହଜାର ଟଙ୍କା ଓ ତୃତୀୟ ପୁରସ୍କାର ପାଇଁ ୨୫ ହଜାର ଟଙ୍କା ପ୍ରଦାନ କରାଯାଇଛି।

Comments
Loading...