ଆହ୍ଲାବାଦର ନାମ ଖୁବ ଶୀଘ୍ର ପ୍ରୟାଗରାଜ ହେବ: ଯୋଗୀ ଆଦିତ୍ୟନାଥ

0

ଲକ୍ଷ୍ମୌ . – ଆହ୍ଲାବାଦର ନାମ ଖୁବ ଶୀଘ୍ର ପ୍ରୟାଗ ରାଜ ହେବ ବୋଲି ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘୋଷଣା କରିଛନ୍ତି । କୁମ୍ଭ ମେଳାର ପ୍ରସ୍ତୁତି  ବୈଠକ ପରେ ଯୋଗୀ ଆଦିତ୍ୟନାଥ ଏହି ସୂଚନା ଦେଇଛନ୍ତି । ଏ ସମ୍ପର୍କରେ  ସରକାର ଖୁବ ଶୀଘ୍ର ନିଷ୍ପତ୍ତି ନେବେ  ବୋଲି ସେ କହିଛନ୍ତି । ଉତ୍ତର ପ୍ରଦଶର ରାଜ୍ୟପାଳ ରାମ ନାଏକ ଏବିଷୟରେ ନିଜର ସହମତି ଜଣାଇଛନ୍ତି ।

କିଛି ଦିନ ତଳେ ମୋଗଲସରାଇ ସହର ଓ ରେଳ ଷ୍ଟେସନର ନାମ ପରିବର୍ତ୍ତନ କରାଯାଇ ଦୀନ ଦୟାଲ ଉପାଧ୍ୟାୟଙ୍କ ନାମରେ ନାମିତ କରାଯାଇଥିଲା ।

ଆସନ୍ତା ବର୍ଷ  ପ୍ରସିଦ୍ଧ କୁମ୍ଭମେଳା ଅନୁଷ୍ଠିତ ହେବ । ଏଥିପାଇଁ ବିଭିନ୍ନ ଆଖଡା ପରିଷଦ ପକ୍ଷରୁ ଆହ୍ଲାବାଦକୁ ପ୍ରୟାଗରାଜ ନାମରେ ନାମିତ କରିବା ପାଇଁ ପ୍ରସ୍ତାବ ଆସିଛି । ଆହ୍ଲାବାଦ ଜିଲାର ନାମ ପରିବର୍ତ୍ତନ ପାଇଁ  ଉତ୍ତର ପ୍ରଦେଶର ରାଜ୍ୟପାଳ ସମ୍ମତି ପ୍ରଦାନ କରିଛନ୍ତି ।

ଆସନ୍ତା ବୈଠକରେ କ୍ୟାବିନେଟ ଏହି ପ୍ରସ୍ତାବକୁ ମଞ୍ଜୁରୀ ଦେବାରେ ନାମ ପରିବର୍ତ୍ତନ ପ୍ରକ୍ରିୟା ଆରମ୍ଭ ହେବ । କୁମ୍ଭମେଳା ପାଇଁ ଡିସେମ୍ବର ସୁଦ୍ଧା ସମସ୍ତ କାର୍ଯ୍ୟ ଶେଷ କରାଯିବ ବୋଲି ଯୋଗୀ ଆଦିତ୍ୟନାଥ ସୂଚନା ଦେଇଛନ୍ତି ।

Comments
Loading...