ମୁମ୍ବଇ : ବଲିଉଡରେ ମାଦକ ଦ୍ରବ୍ୟ (ଡ୍ରଗ୍ସ) କାରବାରକୁ ନେଇ ଚର୍ଚ୍ଚା ଓ ତଦନ୍ତ ଚାଲିଥିବାବେଳେ ଏହା ଉପରେ ମୁହଁ ଖୋଲିଛନ୍ତି ଅଭିନେତା ଅକ୍ଷୟ କୁମାର। ଏକ ଭିଡିଓ ବାର୍ତ୍ତାରେ ଅକ୍ଷୟ କହିଛନ୍ତି ଯେ ବଲିଉଡରେ ଡ୍ରଗ୍ସ କାରବାର ଚାଲିଛି। ତେବେ ଏହି ଡ୍ରଗ୍ସ କାରବାରରେ ସମସ୍ତେ ସାମିଲ ନୁହନ୍ତି। ଡ୍ରଗ୍ସ କାରବାର ପାଇଁ ପ୍ରତ୍ୟେକ କଳାକାରକୁ ଗୋଟିଏ ଦୃଷ୍ଟିକୋଣରେ ବିଚାର କରାଯିବା ଠିକ୍ ନୁହେଁ। ତେବେ ଏହି ପ୍ରସଙ୍ଗକୁ ଅତ୍ୟନ୍ତ ନକାରାତ୍ମକ ଭାବେ ଉପସ୍ଥାପନ କରାଯିବା ଠିକ ନୁହେଁ। ସେ କହିଛନ୍ତି ଯେ ଚଳଚ୍ଚିତ୍ର କେବଳ ଏକ ଶିଳ୍ପ ନୁହେଁ। ଚଳଚ୍ଚିତ୍ର ମାଧ୍ୟମରେ ଆମେ ଭାରତୀୟ ସଂସ୍କୃତି, ମୂଲ୍ୟବୋଧ ବିଶ୍ବର କୋଣ ଅନୁକୋଣରେ ପ୍ରଚାରିତ କରୁଛୁ। ସେ କହିଛନ୍ତି ଯେ ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ଘଟଣା ପରେ ଅନେକ ତଥ୍ୟ ପଦାକୁ ଆସିଛି। ତେଣୁ ଆମେ ସମସ୍ତେ ଆତ୍ମସମୀକ୍ଷା କରିବା ଦରକାର। ଆମ ପଛରେ କ’ଣ ସବୁ ଘଟୁଛି ତାକୁ ଧ୍ୟାନ ଦେବା ଦରକାର। ସୂଚନାଯୋଗ୍ୟ ବଲିଉଡରେ ଡ୍ରଗ୍ସ କାରବାର ଉପରେ ନାର୍କୋଟିକ୍ କେଣ୍ଟ୍ରାଲ ବ୍ୟୁରେ ତଦନ୍ତ କରୁଥିବାବେଳେ ଅନେକ କଳାକାରଙ୍କୁ ଜେରା ସହିତ ଗିରଫ କରିସାରିଲାଣି।
Comments are closed.