ଅଖିଳେଶ କରୋନା ସଂକ୍ରମିତ

ଲକ୍ଷ୍ନୌ: ଉତ୍ତର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ କରୋନା ଭୂତାଣୁରେ ସଂକ୍ରମିତ ହୋଇଛନ୍ତି। ବୁଧବାର ସକାଳେ ସେ ଟ୍ବିଟ୍‌ କରି ଏ ନେଇ ସୂଚନା ଦେଇଛନ୍ତି। ଏହା ପରେ ସେ ନିଜକୁ ଘରେ ଆଇସୋଲେଶନରେ ରଖିଛନ୍ତି।

ଅଖିଳେଶ ଟ୍ବିଟ୍‌ କରି କହିଛନ୍ତି, ଆଜି ତାଙ୍କ କରୋନା ପରୀକ୍ଷା ରିପୋର୍ଟ ପଜିଟିଭ ଆସିଛି। ଏହା ପରେ ନିଜକୁ ନିଜେ ଘରେ କ୍ବାରେଣ୍ଟାଇନରେ ରହିଛି। ନିକଟ ଅତୀତରେ ତାଙ୍କ ସମ୍ପର୍କରେ ଆସିଥିବା ଲୋକମାନେ ନିଜର କରୋନା ପରୀକ୍ଷା କରାଇନେବାକୁ ସେ ଅନୁରୋଧ କରିଛନ୍ତି।

ସୂଚନାଯୋଗ୍ୟ, ନିକଟରେ ଅଖିଳେଶ ଯାଦବ ଉତ୍ତରାଖଣ୍ଡର ହରିଦ୍ବାରରେ ଚାଲିଥିବା କୁମ୍ଭ ମେଳାକୁ ବୁଲିବାକୁ ଯାଇଥିଲେ। ସେଠାରେ ସେ ତାଙ୍କର ସମର୍ଥକ ଏବଂ ଅନେକ ସାଧୁସନ୍ଥଙ୍କୁ ଭେଟିଥିଲେ। ଏହି ସମୟରେ ଅଖିଳେଶ ଏକ ଦାୟିତ୍ଵହୀନତାର ପରିଚୟ ମଧ୍ୟ ଦେଇଥିଲେ। କରୋନା ପଜିଟିଭ ଚିହ୍ନଟ ହୋଇଥିବା ଆଖଡ଼ା ପରିଷଦ ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରି ମହାରାଜଙ୍କୁ ଅଖିଳେଶ ସାକ୍ଷାତ କରିଥିଲେ। ଏହାର ଦୁଇଦିନ ପରେ ସେ ବି ସଂକ୍ରମିତ ହୋଇଛନ୍ତି।

Comments
Loading...