ଭୁବନେଶ୍ୱର : ପୂର୍ବତନ କ୍ରିକେଟର ଭାଷ୍ୟକାର ଆକାଶ ଚୋପ୍ରାଙ୍କ ଦ୍ୱାରା ଲିଖିତ ନମ୍ବର୍ସ ଡୁ ନଟ୍ ଲାଏ(ସଂଖ୍ୟା ଭୂଲ ନୁହେଁ) ପୁସ୍ତକ ଆଲେଚନା ଏକାମ୍ର କ୍ରୀଡ଼ା ସାହିତ୍ୟ ମହୋତ୍ସବରେ ଅନ୍ୟତମ ଆକର୍ଷଣ ଥିଲା। ପୁସ୍ତକରେ ଆକାଶ ଚୋପ୍ରା କିଏ ଶ୍ରେଷ୍ଠ ସଚିନ ନାଁ ରାହୁଲ ଉପସ୍ଥାପିତ କରିବା ସହିତ ରାହୁଲକୁ ଶ୍ରେଷ୍ଠ ବୋଲି ବିବେଚନା କରିଛନ୍ତି। ସାମ୍ବାଦିକଙ୍କ ପ୍ରଶ୍ନର ଉତ୍ତରରେ ଆକାଶ କହିଥିଲେ ଯେ, ବିଶ୍ୱ କ୍ରିକେଟରେ ସଚିନ ଓ ରାହୁଲ ଜଣେ ଜଣେ କିମ୍ବଦନ୍ତୀ ପ୍ରତିଭା। କାହାରିକୁ କାହା ସହିତ ତୁଳନା କରିବା ଅସମ୍ଭବ। ତେବେ ସାଂପ୍ରତିକ କ୍ରିକେଟକୁ ଅନୁଧ୍ୟାନ କଲେ ଦିନିକିଆରେ ବିରାଟ କୋହଲି ଓ ଟେଷ୍ଟରେ ସଚିନ ତେନ୍ଦୁଲକର ଶ୍ରେଷ୍ଠ ବୋଲି ଆକାଶ ମତ ରଖିଥିଲେ।
