ସାଧାରଣତଃ ମୁଣ୍ଡ ବିନ୍ଧିବା ସମସ୍ୟା ପ୍ରାୟ ସମସ୍ତଙ୍କଠାରେ ଦେଖା ଦେଇଥାଏ। ବିଶେଷ କରି ବ୍ୟସ୍ତ ବହୁଳ ଜୀବନ ବା କାର୍ୟ୍ୟ ଚାପରେ ଥିବା ବ୍ୟକ୍ତିଙ୍କର ଏହି ସମସ୍ୟା ଅଧିକ ଥାଏ। କିଛି ଲୋକଙ୍କର ତ ପ୍ରାୟ ସବୁଦିନ ମୁଣ୍ଡ ବିନ୍ଧିଥାଏ। ଏଥିରୁ ମୁକ୍ତି ପାଇବା ପାଇଁ ଲୋକେ ଔଷଧ ସେବନ କରିଥାଆନ୍ତି ଓ ଏହା ଧିରେଧିରେ ଅଭ୍ୟାସରେ ପରିଣତ ହୋଇଯାଏ। ମାତ୍ର ମୁଣ୍ଡବିନ୍ଧା ସମସ୍ୟାରୁ ମୁକ୍ତି ପାଇବା ପାଇଁ ସବୁବେଳେ ଔଷଧ ସେବନ କରିବା ଶରୀର ପାଇଁ କ୍ଷତିକାରକ ସାବ୍ୟସ୍ତ ହୋଇଥଏ। ଏହାର ପାର୍ଶ୍ବପ୍ରତିକ୍ରିୟାରେ ଅନେକ ବିପଦର ଆଶଙ୍କା ଥାଏ। ତେବେ ଏପରି ଏକ ଘରୋଇ ଉପାୟ ରହିଛି ଯାହା ଦ୍ବାରା ମାତ୍ର କିଛି ସମୟ ମଧ୍ୟରେ ଆପଣ ମୁଣ୍ଡବିନ୍ଧାରୁ ମୁକ୍ତି ପାଇପାରିବେ। ଏହି ସମସ୍ୟାରୁ ରକ୍ଷା କରିବା ପାଇଁ ଜୁଆଣି ରାମବାଣ ଭଳି କାର୍ଯ୍ୟ କରିଥାଏ।
ଚାଲନ୍ତୁ ଜାଣିବା ଜୁଆଣି କିପରି ମୁଣ୍ଡବିନ୍ଧା ଦୂରେଇବାରେ ସାହାଯ୍ୟ କରେ –
ଜୁଆଣି ଉପଚାରକୁ ପ୍ରସ୍ତୁତ କରିବା ଅତ୍ୟନ୍ତ ସହଜ। ସର୍ବପ୍ରଥମେ ଏକ ଚାମଚ ଜୁଆଣିକୁ ତାଓ୍ବାରେ ହାଲୁକା ଭାଜି ଗୋଟିଏ ସୂତା ଲୁଗାରେ ବାହାର କରି ଆଣନ୍ତୁ। ଏବେ ଏହାକୁ ପୁଟୁଳି କରି ବାନ୍ଧି ଦିଅନ୍ତୁ।
ଏହି ପୁଟୁଳିରେ ଜୁଆଣି ହାଲୁକା ଗରମ ହୋଇଥିବା ଆବଶ୍ୟକ। ମୁଣ୍ଡ ବିନ୍ଧିଲେ ଥଣ୍ଡା ହେବା ପର୍ୟ୍ୟନ୍ତ ଏହି ଜୁଆଣି ପୁଟୁଳିକୁ ଶୁଙ୍ଘନ୍ତୁ। ଏପରି କରିବା ଦ୍ବାରା ମୁଣ୍ଡ ବିନ୍ଧାରୁ ୨ମିନିଟରେ ଉପଶମ ମିଳିବ।
Comments are closed.