‘ବାହୁବଳୀ’ଠାରୁ ଅଧିକ ରୋମାଞ୍ଚକର ହେବକି “ଆର୍‌ଆର୍‌ଆର୍‌”? ସାମ୍ନାକୁ ଆସିଲା ପ୍ରଥମ ଲୁକ୍ ଭିଡ଼ିଓ

ଦେଖନ୍ତୁ ଭିଡ଼ିଓ

ମୁମ୍ବଇ : ବ୍ଲକ ବଷ୍ଟର ଚଳଚ୍ଚିତ୍ର ବାହୁବଳୀ ଭଳି ଉତ୍କୃଷ୍ଟ ଚଳଚ୍ଚିତ୍ର ଦର୍ଶକଙ୍କୁ ଭେଟି ଦେଇଥିବା ନିର୍ଦେଶକ ଏସ୍‌ଏସ୍ ରାଜମୌଲିଙ୍କ ଆଗାମୀ ସିନେମା “ଆର୍‌ଆର୍‌ଆର୍‌”ର ଫାଷ୍ଟ ଲୁକ୍ ଭିଡ଼ିଓ ସାମ୍ନାକୁ ଆସିଛି।  ସାମ୍ନାକୁ ଆସିଥିବା ଭିଡ଼ିଓ ବାହୁବଳୀ ଭଳି ଜବରଦସ୍ତ ହୋଇଛି।
ଏହି ଚଳଚ୍ଚିତ୍ରର ଟିଜର ତଥା ପ୍ରଥମ ଲୁକ୍‌ରେ ଭୀମର ଚରିତ୍ରରେ ନଜର ଆସିବାକୁ ଥିବା ସାଉଥ ସୁପରଷ୍ଟାର ଜୁନିୟର ଏନଟିଆର ଦେଖାଯାଇଛନ୍ତି। ଭିଡ଼ିଓର ଲୁକ୍ ଦର୍ଶକମାନଙ୍କ ମନକୁ ଛୁଇଁଛି। ବଲିଉଡ଼ ସିଂଘମ ଷ୍ଟାର ଅଜୟ ଦେବଗନ୍ ଏହି ଭିଡିଓକୁ ନିଜ ଟ୍ୱିଟରରେ ସେୟାର କରିଛନ୍ତି। ଏଥିରେ ଏନଟିଆର ସ୍ୱାଧୀନତା ସଂଗ୍ରାମୀ କୋମୁରାମ ଭୀମ ଭୂମିକାରେ ନଜର ଆସିବେ।
ଉଲ୍ଲେଖ ଯୋଗ୍ୟ,ଏହି ଫିଲ୍ମରେ ଦକ୍ଷିଣ ଭାରତର ଦୁଇ ସୁପରଷ୍ଟାର ଜୁନିଅର୍ ଏନଟିଆର୍, ରାମଚରଣଙ୍କ ସହ ହିନ୍ଦୀ ସୁପରଷ୍ଟାର ଅଜୟ ଦେବଗନ ଅଭିନୟ କରୁଛନ୍ତି । ଏମାନଙ୍କ ବ୍ୟତୀତ ଦକ୍ଷିଣୀ ସୁନ୍ଦରୀ ଶ୍ରୀୟା ସରନ୍ ଓ ଆଲିଆ ଭଟ୍ଟଙ୍କୁ ମଧ୍ୟ ଫିଲ୍ମ ପାଇଁ ଚୁକ୍ତିବଦ୍ଧ କରାଯାଇଛି । ଲକ୍ ଡ଼ାଉନ ଯୋଗୁ ଏହି ଫିଲ୍ମର ସୁଟିଂ ବନ୍ଦ ରହିଥିଲା। ଏବେ ଏହାର ଶୁଟିଂ ପୁଣିଥରେ ଆରମ୍ଭ ହୋଇଥିବା ସୂଚନା ମିଳିଛି।

Comments
Loading...