ଐଶ୍ବର୍ଯ୍ୟା ଓ ଆରାଧ୍ୟାଙ୍କ କରୋନା ରିପୋର୍ଟ ନେଗେଟିଭ; ଡ଼ାକ୍ତରଖାନାରୁ ଘରକୁ ଫେରିଲେ

ବଲିଉଡ଼୍ ଶାହେନଶାହା ଅମିତାଭ ବଚ୍ଚନଙ୍କ ବୋହୂ ତଥା ଅଭିନେତ୍ରୀ ଐଶ୍ବର୍ଯା ରାୟ ବଚ୍ଚନ ଓ ନାତୁଣୀ ଆରାଧ୍ୟାଙ୍କ କରୋନା ରିପୋର୍ଟ ନେଗେଟିଭ୍ ଆସିଛି । ଏହାପରେ ତାଙ୍କୁ ଡ଼ାକ୍ତରଖାନାରୁ ଘରକୁ ପଠାଇ ଦିଆଯାଇଛି । ଐଶ୍ବର୍ଯ୍ୟାଙ୍କ ସ୍ବାମୀ ତଥା ଅଭିନେତା ଅଭିଷେକ ବଚ୍ଚନ ଟ୍ବିଟରରେ ଏହି ସୂଚନା ଦେଇଛନ୍ତି ।

Thank you all for your continued prayers and good wishes. Indebted forever. ??
Aishwarya and Aaradhya have thankfully tested negative and have been discharged from the hospital. They will now be at home. My father and I remain in hospital under the care of the medical staff.

— Abhishek Bachchan (@juniorbachchan) July 27, 2020

ଅଭିଷେକ ଏହାମଧ୍ୟ କହିଛନ୍ତି ଯେ ତାଙ୍କର ପିତା ମେଗାଷ୍ଟାର ଅମିତାଭ ବଚ୍ଚନ ଏବେ ମଧ୍ୟ ନାନାବତୀ ଡାକ୍ତରଖାନାରେ ମେଡିକାଲ କର୍ମଚାରୀଙ୍କ ଅଧୀନରେ ଅଛନ୍ତି।

My father and I remain in hospital till the doctors decide otherwise. Everyone please remain cautious and safe. Please follow all rules!

— Abhishek Bachchan (@juniorbachchan) July 12, 2020

“ମୁଁ ଏବଂ ମୋ ବାପା ମେଡିକାଲ କର୍ମଚାରୀଙ୍କ ଯତ୍ନରେ ଡାକ୍ତରଖାନାରେ ରହିଛୁ। ଆପଣମାନଙ୍କ ନିରନ୍ତର ପ୍ରାର୍ଥନା ଏବଂ ଶୁଭେଚ୍ଛା ପାଇଁ ସମସ୍ତଙ୍କୁ ଧନ୍ୟବାଦ ଓ ସବୁଦିନ ପାଇଁ ଆମକୁ ଋଣଗ୍ରସ୍ତ କରି ଦେଇଛି ବୋଲି ଅଭିଷେକ କହିଛନ୍ତି । ସୂଚନାଯୋଗ୍ୟ ଯେ ଅମିତାଭ, ଅଭିଷେକ, ଐଶ୍ବର୍ଯ୍ୟା ଓ ଆରାଧ୍ୟା କରୋନା ପଜିଟିଭ୍ ହେବା ପରେ ପର୍ଯ୍ୟାୟକ୍ରମେ ନାନାବତୀ ହସପିଟାଲରେ ଚିକିତ୍ସା ନିମନ୍ତେ ଭର୍ତି ହୋଇଥିଲେ । ଐଶ୍ବର୍ଯ୍ୟା ଓ ଆରାଧ୍ୟା ଡ଼ାକ୍ତରଖାନାରୁ ମୁକ୍ତ ହୋଇଥିବାବେଳେ ଅଭିଷେକ ଓ ଅମିତାଭ ଏବେ ବି ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି ।