ବିମାନ ଉଡାଣ ପୂର୍ବରୁ ମଦ୍ୟପାନ ଅବସ୍ଥାରେ ଧରାପଡିଲେ ଏୟାର ଇଣ୍ଡିଆ ଅପରେସନ ନିର୍ଦ୍ଦେଶକ

0

ନୂଆଦିଲ୍ଲୀ : ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ(ଡିଜିସିଏ) ଏୟାର ଇଣ୍ଡିଆ ଅପରେସନ ନିର୍ଦ୍ଦେଶକ କ୍ୟାପଟେନ ଅରବିନ୍ଦ କାଠପାଲିଆଙ୍କୁ  ନିଲମ୍ବନ କରିଛନ୍ତି। କାରଣ ରବିବାର ଏୟାର ଇଣ୍ଡିଆ ଉଡାଣ ଭରିବା ସମୟରେ କ୍ୟାପଟେନ କାଠପାଲିଆଙ୍କୁ ମଦ୍ୟପାନ କରିଥିବା ଜଣାପଡିଥିଲା। ପରେ ସେ ବ୍ରିଥ୍‍ ଏନଲାଇଜର ବା ମଦ୍ୟପାନ ଯାଞ୍ଚରେ ଫେଲ ହୋଇଥିଲେ। ଯାହାଫଳରେ ତାଙ୍କୁ ୩ବର୍ଷ ପାଇଁ ନିଲମ୍ବନ କରାଯାଇଛି। ବର୍ତ୍ତମାନ କାଠପାଲିଆଙ୍କ ସ୍ଥାନରେ କ୍ୟାପଟେନ ଅମିତାଭ ସିଂକୁ ଅପରେସନ ଅଫ ଏୟାର ଇଣ୍ଡିଆର ନିର୍ଦ୍ଦେଶକ ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି।
ଏୟାର ଇଣ୍ଡିଆର ବରିଷ୍ଠ ଅଧିକାରୀଙ୍କ କହିବା ଅନୁସାରେ ଡିଜିସିଏ ନିୟମ-୨୪ ଅନୁସାରେ ବିମାନ ଚାଳକ ଦଳ ବିଗତ ୧୨ଘଣ୍ଟା ଭିତରେ  ମଦ୍ୟପାନ କରିନଥିବେ। ପ୍ରଥମ ଥର ପାଇଁ କୌଣସି ଚାଳକ ମଦ୍ୟପାନ କରିଥିିବା ମିଳିଲେ ତିନି ମାସ ପାଇଁ ତାଙ୍କ ଲାଇସେନ୍ସ ରଦ୍ଦ କରାଯିବ। ସେହିପରି ଦ୍ୱିତୀୟ ଥର ମିଳିଲେ ୩ ବର୍ଷ ଏବଂ ତୃତୀୟ ଥର ମିଳିଲେ ସମ୍ପୁର୍ଣ୍ଣ ଭାବେ ରଦ୍ଦ କରାଯିବାର ନିୟମ ରହିଛି। ସୂଚନାଯୋଗ୍ୟ ଯେ ୨୦୧୭ରେ ଡିଜିସିଏ କାଠପାଲିଆଙ୍କୁ ମଦ୍ୟପାନ କରିଥିବା ପାଇ ତାଙ୍କ ଲାଇସେନ୍ସକୁ ତିନି ମାସ ପାଇଁ ରଦ୍ଦ କରିଥିଲା।

Comments
Loading...