ଶିକ୍ଷାର ଘରୋଇକରଣ ପ୍ରତିବାଦରେ ଏଆଇଡିଏସଓ ପକ୍ଷରୁ ବିକ୍ଷୋଭ 

କେନ୍ଦୁଝରଗଡ଼: ରାଜ୍ୟ ସରକାର ଶିକ୍ଷାର ଘରୋଇକରଣ ଲକ୍ଷ୍ୟରେ ରାଜ୍ୟର ୧୪୩୩୯ଟି ସରକାରୀ ବିଦ୍ୟାଳୟ ଓ ୧୪ଟି ବିଇଡି ତାଲିମ ଅନୁଷ୍ଠାନକୁ ବନ୍ଦ ଘୋଷଣା ନିଷ୍ପତ୍ତି ପ୍ରତିବାଦରେ ଅଲ ଇଣ୍ଡିଆ ଡେମୋକ୍ରାଟିକ୍‍ ଷ୍ଟୁଡେଣ୍ଟ ଅର୍ଗାନାଇଜେସନ (ଏଆଇଡିଏସଓ) ପକ୍ଷରୁ ସୋମବାର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏକ ବିକ୍ଷୋଭ ପ୍ରଦର୍ଶନ ସଭା ଅନୁଷ୍ଠିତ ହୋଇଯାଇଛି। ସଂଘର କେନ୍ଦୁଝର ଜିଲା ସମ୍ପାଦକ ନକୁଳଚନ୍ଦ୍ର ପାତ୍ରଙ୍କ ନେତୃତ୍ୱରେ ଛାତ୍ରଛାତ୍ରୀ ହାତରେ ପ୍ଲାକାର୍ଡ ଧରି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଆଦିବାସୀ ବହୁଳ ଜିଲାମାନଙ୍କରେ ଗରୀବ ଛାତ୍ରଛାତ୍ରୀ ସରକାରୀ ବିଦ୍ୟାଳୟ ମାନଙ୍କରେ ନିର୍ଭରଶୀଳ ଥିବାରୁ ସରକାର ବିଦ୍ୟାଳୟ ବନ୍ଦ ନିଷ୍ପତ୍ତିକୁ ତୁରନ୍ତ ପ୍ରତ୍ୟାହାର କରିବାକୁ ଶ୍ରୀ ପାତ୍ର ଦାବି କରିଛନ୍ତି। ଏଥିସହ ବିଇଡି ତାଲିମ ଅନୁଷ୍ଠାନକୁ ବନ୍ଦ କରି ସେଲ୍‌ଫଫାଇନାନ୍ସିଂ କୋର୍ସ ଭାବେ ୯୦ହଜାର ଟଙ୍କା ଦାଖଲ କରି ପଢ଼ିବା ଭଳି ସରକାରଙକ ନିଷ୍ପତ୍ତି ଯୋଗୁଁ ଗରୀବ ମେଧାବୀ ଛାତ୍ରଛାତ୍ରୀ ଅର୍ଥାଭାବାରୁ ଉଚ୍ଚ ଶିକ୍ଷା ଗ୍ରହଣରୁ ବଞ୍ଚିତ ହେବା ସୁନିଶ୍ଚିତ ଥିବାରୁ ସରକାର ବନ୍ଦ ଘୋଷଣା କରିଥିବା ବିଇଡି ଅନୁଷ୍ଠାନକୁ ମଧ୍ୟ ତୁରନ୍ତ ଖୋଲିବା ପାଇଁ ସଂଘ ପକ୍ଷରୁ ଜିଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ସ୍ମାରକପତ୍ର ପ୍ରଦାନ କରାଯାଇଛି।

Comments
Loading...