ଆଗଲପୁର : ଆଗଲପୁର ବସ୍ତିକୁ ୮ ଦିନ ହେବ ଜଳଯୋଗାଣ ବନ୍ଦ ଥିବାରୁ ମହିଳାମାନେ ସରପଞ୍ଚଙ୍କୁ ଘେରିଛନ୍ତି। ଆଗଲପୁରକୁ ୯୦ ଦଶକରେ ବଗଝୁଲା ଓ ଗୁଡିମୁଣ୍ଡା ନିକଟରେ ଥିବା ଉତ୍ତାଲି ନାଳରୁ ଜଳ ଯୋଗାଣ ଆରମ୍ଭ ହୋଇଥିଲା। ଦିନକୁ ଦିନ ଜନସଂଖ୍ୟା ବୃଦ୍ଧି ହେବା ସହିତ ଜଳସ୍ତର କମିଯିବାରୁ ପ୍ରଶାସନର ଉଦ୍ୟମକ୍ରମେ ବର୍ତ୍ତମାନ ୩ଟି ସ୍ଥାନରୁ ଜଳ ଯୋଗାଣ ହେଉଛି। କିନ୍ତୁ ଉତ୍ତାଲି ନାଳଠାରୁ ଜଳ ଯୋଗାଣ ହେଉଥିବା ପ୍ରକଳ୍ପଠାରୁ ଦିର୍ଘ ୮ ଦିନହେବ ଜଳ ଯୋଗାଣ ବନ୍ଦରହିଛି। ମହିଳାମାନଙ୍କ ସୂଚନା ଅନୁସାରେ, ଉତ୍ତାଲି ନାଳରେ ଯେଉଁ ମଟର ବସାଯାଇ ଆଗଲପୁରକୁ ଜଳଯାଗଣା ହେଉଛି। ସେ ମଟରରୁ ସେହିଠାରେ ହାରାହରି ୮ରୁ ୧୦ ଏକର ପରିବା ଚାଷ ହୋଇଆସୁଛି। ବସ୍ତିକୁ ପାଣି ଯୋଗାଣ ବଦଳରେ ସେଠାରେ ପରିବା ଚାଷକୁ ଜଳ ଯୋଗାଣ ହେଉଥିବାରୁ ଆଗଲପୁରକୁ ଜଳ ଯୋଗାଣ ହୋଇପାରୁ ନାହିଁ। ଏହି କାରଣ ଦର୍ଶାଇ ଗୁରୁବାର ଆଗଲପୁର ଉତ୍କଳ ଗ୍ରାମ୍ୟ ବ୍ୟାଙ୍କ ନିକଟରେ ରାସ୍ତାରୋକ କରିବା ସହିତ ସରପଞ୍ଚ ପୂର୍ଣ୍ଣିମା ସେଠଙ୍କୁ ଘେରି ଯାଇଥିଲେ। ମହିଳାମାନେ କାହିଁକି ପାଣି ଯୋଗାଣ ହେଉ ନଥିବା ବିଷୟରେ କହିବାରୁ ୨ ଦିନ ଭିତରେ ସମାଧାନ ହେବ ବୋଲି ସରପଞ୍ଚ ଶ୍ରୀମତୀ ସେଠ କହିଥିଲେ। ଫଳରେ ମହିଳାମାନେ ରାସ୍ତାରୋକ ପ୍ରତ୍ୟାହାର କରିବା ସହିତ ସରପଞ୍ଚଙ୍କୁ ଛାଡିଥିଲେ। ଗ୍ରାମବାସୀଙ୍କ ଅଭିଯୋଗ ଯେ, ଉତ୍ତାଲି ନାଳ ଠାରେ ପରିବା ଚାଷକୁ କେଉଁ ସ୍ଥାନରୁ ପାଣି ଯୋଗାଣ ହୋଇ ଚାଷ କରାଯାଉଛି ଏହାର ତଦନ୍ତ କରାଯିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ।
Comments are closed.