ଯୁବ ଆଇନଜୀବୀଙ୍କ ଅକାଳ ବିୟୋଗ

ଗୋପାଳପୁର: ବ୍ରହ୍ମପୁର ବିଶ୍ବବିଦ୍ୟାଳୟ ନିକଟସ୍ଥ ଜଗନ୍ନାଥ ବିହାର ବାସିନ୍ଦା ଆଇନଜୀବୀ ଅଶୋକ କୁମାର ସାହୁଙ୍କ ଗୁରୁବାର ରାତ୍ର ପ୍ରାୟ ନଅଟା ସମୟରେ ଚିକିତ୍ସା ଧୀନ ଅବସ୍ଥାରେ ବ୍ରହ୍ମପ୍ରୁ ବଡ ମେଡିକାଲରେ ମୃତ୍ୟୁ ଘଟିଛି । ମୃତ୍ୟୁ ବେଳକୁ ତାଙ୍କୁ ୩୮ ବୟସ ହୋଇଥିଲା।ସେ ଗଂଜାମ ଓକିଲ ସଂଘର ସଭ୍ୟ ଥିଲେ। ଗୁରୁବାର ଅପରାହ୍ନରେ ଅସୁସ୍ଥତା ଅନୁଭବ କରିବା ପରେ ତାଙ୍କୁ ପରିବାର ବର୍ଗଙ୍କ ପକ୍ଷରୁ ବ୍ରହ୍ମପୁର ମେଡ଼ିକାଲରେ ଭର୍ତି କରାଯାଇଥିଲା। କିନ୍ତୁ ଡାକ୍ତରଙ୍କ ସମସ୍ତ ଚେଷ୍ଟା ସତ୍ତ୍ବେ ତାଙ୍କୁ ବଞ୍ଚା ଯାଇପାରି ନ ଥିଲା। ସେ ଜଣେ ମେଳାପି, ପରୋପକାରୀ, ସମାଜସେବୀ ଭାବେ ଅଞ୍ଚଳରେ ବେଶ ପରିଚିତ ଥିଲେ। ତାଙ୍କ ମୃତ୍ୟୁ ଖବର ପ୍ରସାରିତ ହେବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି। ସ୍ଥାନୀୟ ବହୁ ମାନ୍ୟଗଣ୍ୟ ବ୍ୟକ୍ତି ଶେଷ ଦର୍ଶନ କରିଥିଲେ। ଭଞ୍ଜବିହାର ଶ୍ମଶାନରେ ଶେଷକୃତ୍ୟ ସଂପନ୍ନ ହୋଇଥିବା ବେଳେ ତାଙ୍କ ସାନଭାଇ ଅରୁଣ ସାହୁ ମୁଖାଗ୍ନି ଦେଇଥିଲେ।।

Comments
Loading...