ଭଂଜନଗର ଡାଳଖାଇରେ ଦୁର୍ଘଟଣା – ଜଣେ ମୃତ, ଜଣେ ଆହତ

ଭଂଜନଗର: ଏହି ଥାନା ଅନ୍ତର୍ଗତ ନିଧିଆପଳ୍ଲି-ଗାଲେରୀ ରାସ୍ତାର ଡାଳଖାଇ ଠାକୁରାଣୀ ମନ୍ଦିର ନିକଟରେ ବାଇକ ଦୂର୍ଘଟଣା ଘଟି ଗାଲେରୀ ମେଡିକାଲ କଲୋନୀର ବିକି ବେହେରା(୨୦)ଙ୍କ ଶୋଚନୀୟ ମୃତ ଘଟିଥିବା ବେଳେ ତାଙ୍କ ବନ୍ଧୁ କାତ୍ତିକେଶ୍ୱର ମଳ୍ଲିକ (୨୩) ଗୁରୁତର ଭାବେ ଆହତ ହୋଇଛି। ଗୁରୁବାର ରାତି ପ୍ରାୟ ୧୦ଟା ସମୟରେ ଏହି ଦୂର୍ଘଟଣା ଘଟିଥିଲା। ଉଭୟ ସାଂଗ ବାଇକରେ ଗାଲେରୀରୁ ଭଂଜନଗର କୌଣସି କାମରେ ଆସି ଘରକୁ ଫେରୁଥିବା ବେଳେ ଏଠାର ଏକ କଲଭର୍ଟକୁ ପିଟି ହୋଇ ଯାଇଥିଲେ। ଦୂର୍ଘଟଣା ଅତ୍ୟନ୍ତ ଭୟଙ୍କର ଥିଲା ବୋଲି କୁହାଯାଇଛି। ମୃତ ବିକି କଲଭର୍ଟକୁ ପିଟି ହୋଇ କଲଭର୍ଟ ତଳେ ତାର କ୍ଷତବିକ୍ଷତ ଶରୀର ପଡି ରହିଥିଲା। କିଂତୁ, କୌଣସି ସହୃଦୟ ବ୍ୟକ୍ତି ସେହି ରାସ୍ତାରେ ଯାଉଥିବା ବେଳେ ଆହତ ଅବସ୍ଥାରେ ଛଟପଟ ହେଉଥିବା କାର୍ତ୍ତିକକୁ ତଳୁ ଉଠାଇ ଆଣି ରାସ୍ତା କଡରେ ଶୁଆଇ ଦେଇଥିଲେ। ରାତି ତମାମ ମୃତ ବିକିର ଶବ ଏବଂ ଆହାତ କାର୍ତ୍ତିକ ସେହି ଜଙ୍ଗଲ ରାସ୍ତାରେ ପଡି ରହିଥିଲେ। ବିକି ସବୁଦିନ ପାଇଁ ଚିର ନିଦ୍ରାରେ ଶୋଇ ଯାଇଥିବା ବେଳେ କାର୍ତ୍ତିକର କାରୁଣ୍ୟ ଚିତ୍କାର ଆଉ କାହାରି କର୍ଣ୍ଣରେ ପଡି ନ ଥିଲା।

ଶୁକ୍ରବାର ଦିନ ୧୧ଟା ପରେ ଏହି ସଂକ୍ରାନ୍ତରେ ଖବର ପାଇ ଘଟଣାସ୍ଥଳରେ ପହଁଚିଥିବା କଥା ଆହାତ କାର୍ତ୍ତିକର ମାଆ ସାରସ ମଲ୍ଲିକ ପ୍ରକାଶ କରିଥିଲେ। ଦମକଳ ବାହିନୀ ଘଟଣା ସ୍ଥଳରେ ପହଁଚି ମୃତ ବିକି ଓ ଆହାତ କାର୍ତ୍ତିକକୁ ସେହି ଦୂର୍ଗମ ସ୍ଥାନରୁ ଉଦ୍ଧାର କରି ଭଂଜନଗର ମେଡି୍‍କାଲ ନେଇ ଆସିଥିଲେ। ଦୂର୍ଘଟଣାରେ ବିକିର ମୃତ ଘଟିଥିବା ବେଳେ କାର୍ତ୍ତିକର ଶରୀରର ବିଭିନ୍ନ ସ୍ଥାନରେ କ୍ଷତ ସୃଟି ହୋଇ ଗୋଟିଏ ଗୋଡ ଭାଂଗି ଯାଇଛି। ଗୁରୁତର ଅବସ୍ଥାରେ ତାଙ୍କୁ ବ୍ରହ୍ମପୁର ବଡ ମେଡିକାଲ ସ୍ଥାନ୍ତାରିତ କରାଯାଇଛି।

Comments
Loading...