ତେଲକୋଇ: ଆଜିର ସମାଜରେ ମାନବିକତା ହଜି ହଜି ଯାଉଥିବା ବେଳେ ତେଲକୋଇର ଦୁଇ ଜଣ ଯୁବ ଅଧିକାରୀ

ମାନବିକତାର ଉଦାହରଣ ଦେଖାଇଲେ ଯୁବ ଡାକ୍ତର ଓ ପୁଲିସ ସବ୍ଇନ୍ସପେକ୍ଟର

ମାନବିକତାର ଉଦାହରଣ ସାଜିଛନ୍ତି। ଘଟଣା ଅନୁଯାୟୀ ତେଲକୋଇ ମୂଖ୍ୟାଳୟର ଇଣ୍ଡିଆନ ଅଏଲ ପେଟ୍ରୋଲ ପମ୍ପ ନିକଟରେ ରାସ୍ତା କଡରେ ରବିବାର ରାତି ପ୍ରାୟ ୧୧ ଟା ରେ ଜଣେ ଯୁବକ ଦୁର୍ଘଟଣାଗ୍ରସ୍ତ ହୋଇ ଗୁରୁତର ଅବସ୍ଥାରେ ପଡିରହିଥିଲେ। କିଛି ସହୃଦୟ ବ୍ୟକ୍ତି ୧୦୮ ଓ ଦମକଳ ବାହିନୀକୁ ଯୋଗାଯୋଗ କରିଥିଲେ ମଧ୍ୟ ବିଫଳ ହୋଇଥିଲେ।

 

ଏହି ଖବର ତେଲକୋଇରେ କାର୍ଯ୍ୟରତ ପୁଲିସ ସବ୍ଇନ୍ସପେକ୍ଟର ପି. ଆଶୁତୋଷ ଜାଣିବାକୁ ପାଇଥିଲେ। ଏହା ଜାଣିବା ପରେ ସେ ତେଲକୋଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଡାକ୍ତର ସୁବ୍ରତ କୁମାର ରାୟଙ୍କୁ ଯୋଗାଯୋଗ କରିଥିଲେ। ଉଭୟ ତୁରନ୍ତ ଘଟଣା ସ୍ଥଳରେ ପହଞ୍ଚି ଗୁରୁତର ଯୁବକଙ୍କୁ ଉଦ୍ଧାର କରିଥିଲେ। ସେଠାରୁ ଗୁରୁତର ଆହତ ଯୁବକଙ୍କୁ ନିଜର ପ୍ରତ୍ୟକ୍ଷ ତତ୍ତ୍ବାବଧାନରେ ନେଇ ତେଲକୋଇ ଚିକିତ୍ସାଳୟରେ ଭର୍ତ୍ତି କରି ଚିକିତ୍ସା କରାଇଥିଲେ। ସେମାନଙ୍କ ସମୟପୋଯୋଗୀ ପଦକ୍ଷେପ ଯୋଗୁ ଦୁର୍ଘଟଣଗ୍ରସ୍ତ ସମ୍ପୃକ୍ତ ଯୁବକ ଚିକିତ୍ସା ପରେ ସୁସ୍ଥ ହୋଇଥିବା ଜଣାପଡିଛି। ଡାକ୍ତର ଓ ପୁଲିସ ସବ୍‌ଇନିସ୍‌ପେକ୍ଟରଙ୍କ ମାନବିକତା ଏବଂ ଜନ ସେବାକୁ ବିଭିନ୍ନ ମହଲରୁ ପ୍ରସଂଶା କରାଯାଇଛି।

Comments
Loading...