ଉତ୍ତରପ୍ରଦେଶର ଫିରୋଜାବାଦରେ ମର୍ମନ୍ତୁଦ ଦୁର୍ଘଟଣା ; ୫ ମୃତ

ଉତ୍ତରପ୍ରଦେଶ : ଉତ୍ତରପ୍ରଦେଶର ଫିରୋଜାବାଦ ଜନପଦରେ ମଙ୍ଗଳବାର ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏକ୍ସପ୍ରେସ ୱେରେ ଏକ ସ୍ଲିପର ବସ ସହ ଡିସିଏମ ଧକ୍କାରେ ୫ ଜଣଙ୍କର ମୃତ୍ୟୁ ହୋଇଥିବା ସହ ୨ ଜଣ ଗଭୀର ଭାବେ ଆହତ ହୋଇଛନ୍ତି।
ଏହି ଦୁର୍ଘଟଣା ଶିକୋହାବାଦ ନଗଲା ଅଞ୍ଚଳରେ ଏକ୍ସପ୍ରେସ ୱେରେ ଘଟିଛି। ଏକ ସ୍ଲିପର ବସ ରାଜସ୍ଥାନର ଜୟପୁରରୁ ଯାତ୍ରୀଙ୍କୁ ନେଇ ବିହାର ଯାଉଥିଲା। ଏହି ବସରେ ପ୍ରାୟ ୪୦ ରୁ ୫୦ ଯାତ୍ରୀ ଥିଲେ। ଭୋର ୫ଟା ସମୟରେ ଆଗ୍ରା –ଲକ୍ଷ୍ନୌରେ ବସ ପହଞ୍ଚିବା ପରେ ଖରାପ ହୋଇଯିବାରୁ ରାସ୍ତା କଡ଼ରେ ଠିଆ ହୋଇଥିବା ଚାଳକ ଓ ସହାୟକ ବସକୁ ଠିକ କରିବା ପାଇଁ ପ୍ରୟାସ କରୁଥିଲେ। ସେହି ସମୟରେ ଡିସିଏମ ଧକ୍କା ଦେଇଥିଲା। ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ଆହତଙ୍କୁ ମେଡିକାଲରେ ଭର୍ତ୍ତି କରାଇଥିଲେ। ମୃତଦେହ ବ୍ୟବଚ୍ଛେଦ ପାଇଁ ପଠାଇଥିଲେ।

 

Comments
Loading...