ଆରଡି : ଭଦ୍ରକ-ଆଖଣ୍ଡଳମଣି ମୁଖ୍ୟ ରାସ୍ତାର ବ୍ରାହ୍ମଣୀଦଣ୍ଡା ନିକଟରେ ଦୁଇଟି ବାଇକ୍ ମୁହାଁମୁହିଁ ହେବା ଫଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ଦୁଇଜଣ ଗୁରୁତର ହୋଇଥିବା ଜଣାପଡିଛି। ଘଟଣାସ୍ଥଳରେ ଥିବା ସ୍ଥାନୀୟ ଲୋକଙ୍କ ଉଦ୍ୟମକ୍ରମେ ସମସ୍ତଙ୍କୁ ଭଦ୍ରକ ଡାକ୍ତରଖାନାରେ ଭର୍ତ୍ତି କରାଯାଇଛି। ସେଠାରେ ଜଣଙ୍କୁ ମୃତ ଘୋଷଣା କରାଯିବା ସହିତ ଅନ୍ୟ ୨ଜଣଙ୍କୁ କଟକ ସ୍ଥାନାନ୍ତର କରାଯାଇଥିଲା। ଏହି ଦୁର୍ଘଟଣାରେ ଆରଡି ଫାଣ୍ଡି ଅଧିନସ୍ଥ ସାନଓଳଗ ଗାଁ ଅଜିତ ନାୟକ(୩୩)ଙ୍କର ମୃତ୍ୟୁ ଘଟିଥିବା ବେଳେ କୁଳେଇପଦା ଗାଁର ସମ୍ବିତ ନାୟକ(୨୮) ଓ ସୁଧାକର ଜେନା(୨୩) ଗୁରୁତର ହୋଇ କଟକ ଡାକ୍ତରଖାନାରେ ଚିକିତ୍ସାଧିନ ଅଛନ୍ତି। ଏପରି ଦୁର୍ଘଟଣାର ଖବର ପାଇ ଆରଡି ଫାଣ୍ଡି ଅଧିକାରୀ ବ୍ରଜକିଶୋରା ଦାସ ଘଟଣାସ୍ଥଳରେ ପହଞ୍ଚିବା ସହ ୨ଟି ବାଇକ୍ ଜବତ କରିଛନ୍ତି।
