‘ଇଣ୍ଡିଆନ ଟୁ’ ସୁଟିଂ ସେଟରେ ଦୁର୍ଘଟଣା – ୩ ମୃତ, ୧୦ରୁ ଅଧିକ ଆହତ

ସମାଜ ପୋର୍ଟାଲ ଡେସ୍କ: ଲୋକପ୍ରିୟ ଅଭିନେତା କମଲ ହାସନ ଅଭିନୀତ ଚଳଚ୍ଚିତ୍ର ‘ଇଣ୍ଡିଆନ ଟୁ’ ସୁଟିଂ ସେଟରେ ବୁଧବାର ଦୁର୍ଘଟଣା ଘଟି ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ରୁ ଅଧିକ ଗୁରୁତର ଆହତ ହୋଇଛନ୍ତି। ମିଳିଥିବା ସୂଚନା ଅନୁଯାୟୀ ଏହି ଚଳଚିତ୍ରର ସୁଟିଂ କାର୍ଯ୍ୟ ଚେନ୍ନାଇ ନିକଟବର୍ତ୍ତୀ ଇଭିପି ଫିଲ୍ମ ସିଟିରେ ଚାଲିଥିବା ବେଳେ ହଠାତ ଏକ କ୍ରେନ ଭାଙ୍ଗିଯାଇଥିଲା ଓ ସେଥିରେ ଚାପି ହୋଇ ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଚଳଚିତ୍ରର ସହକାରୀ ନିର୍ଦ୍ଦେଶକ କ୍ରିଷ୍ଣା, ନିର୍ଦ୍ଦେଶକ ଶଙ୍କରଙ୍କ ବ୍ୟକ୍ତିଗତ ସହାୟକ ମଧୁ ଓ ଅନ୍ୟ ଜଣେ କର୍ମଚାରୀ ଚନ୍ଦ୍ରନ ଅଛନ୍ତି। ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ଅଭିନେତା କମଲ ହାସନ ଏହି ଦୁର୍ଘଟଣାରୁ ଅଳ୍ପକେ ବର୍ତ୍ତୀ ଯାଇଛନ୍ତି।

ଇତି ମଧ୍ୟରେ ମାମଲା ରୁଜ୍ଜୁ ସହ ପୁଲିସ ଏହି ଦୁର୍ଘଟଣାର ତଦନ୍ତ ଆରମ୍ଭ କରିଛି।