ବାହାଦୁରଗଡ : ମର୍ମନ୍ତୁଦ ସଡକ ଦୁର୍ଘଟଣାରେ ୮ ଜଣ ପ୍ରାଣ ହରାଇଛନ୍ତି। ହରିୟାଣାର ବାହାଦୁରଗଡର ବାଦଲି-ଗୁରୁଗ୍ରାମ ରାସ୍ତାରେ ଭୋର ୪ଟା ସମୟରେ ଫାରୁଖନଗର ନିକଟରେ ଏହି ସଡକ ଦୁର୍ଘଟଣା ଘଟିଛି। ଏକ କାର ଓଭରଟେକ କରି ଯିବା ସମୟରେ ୨ଟି ଟ୍ରକ ମଧ୍ୟରେ ଆସି ଦୁର୍ଘଟଣାଗ୍ରସ୍ତ ହୋଇଥିଲା। କାରରେ ନଅ ଜଣ ଥିଲେ। ସେଥିମଧ୍ୟରୁ ଆଠ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା ଏବଂ ଏକ ଶିଶୁକୁ ଗୁରୁତର ଅବସ୍ଥାରେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି। ମୃତକଙ୍କ ମଧ୍ୟରେ ଚାରି ଜଣ ପୁରୁଷ, ତିନିଜଣ ମହିଳା ଏବଂ ଜଣେ ଶିଶୁ ଅଛନ୍ତି।
ଏହି ଦୁର୍ଘଟଣାରେ ପ୍ରାଣ ହରାଇଥିବା ସମସ୍ତ ବ୍ୟକ୍ତି ଉତ୍ତରପ୍ରଦେଶର ଫିରୋଜାବାଦ ଜିଲ୍ଲାର ଅନୁପ ନାଙ୍ଗଲା ଗାଁର ବାସିନ୍ଦା ବୋଲି କୁହାଯାଉଛି। ଯେଉଁମାନେ ରାଜସ୍ଥାନର ଗୋଗା ମେଡି ପରିଦର୍ଶନ କରିବା ପରେ ଫେରୁଥିଲେ । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ବହୁ ଚେଷ୍ଟା କରି ମୃତଦେହ ଉଦ୍ଧାର କରିଥିଲା। ଦୁର୍ଘଟଣା ପରେ ମୃତକଙ୍କ ପରିବାର ଲୋକଙ୍କୁ ସୂଚନା ଦିଆଯାଇଛି। ପୁଲିସ ଏହି ତିନୋଟି ଗାଡି ଜବତ କରିଛି। ଦୁର୍ଘଟଣାର ତଦନ୍ତ ଜାରି ରହିଛି।
Comments are closed.