କାର ପଛରେ ଧକ୍କା ଦେଲା ଅଟୋ, ଦୁର୍ଘଟଣାରେ ଯୁବତୀଙ୍କ ତିନି ଆଙ୍ଗୁଠି କଟିଲା

ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ ଆମ୍ବପୁଆ ନିକଟସ୍ଥ ଇନକମ୍ ଟ୍ୟାକ୍ସ ଛକ ଠାରେ ଦିନ ୧୧ଟା ବେଳେ ରାସ୍ତାରେ ଯାଉଥିବା ଏକ କାର ପଛ ପଟକୁ ଏକ ଅଟୋ ଧକ୍କା ଦେବା ଫଳରେ ଅଟୋ ଟି ଓଲଟି ପଡିବା ସହ ସେଥିରେ ଥିବା ଯୁବତୀ ଜଣଙ୍କ ଆହତ ହୋଇଛନ୍ତି। ତାଙ୍କ ହାତର ତିନୋଟି ଆଙ୍ଗୁଠି କଟିଯାଇ ଗୁରୁତର ହୋଇଛନ୍ତି। ଅଭିଯୋଗ ଅନୁଯାୟୀ  ଆମ୍ବପୂଆ ହରିଜନ ସାହିର ୩/୪ ଜଣ ଏକ ଅଟୋ ଭଡ଼ାରେ ନେଇ ଛତ୍ରପୁର ବ୍ଲକ ଅନ୍ତର୍ଗତ ଲକ୍ଷ୍ମୀପୁରକୁ ଏକ ଭୋଜି ରେ ଯୋଗଦେବାକୁ ଯାଉଥିବା ବେଳେ ଇନ୍ କମ୍ ଟେକ୍ସ ଛକ ନିକଟରେ ସାମ୍ନାରେ ଯାଉଥିବା ଏକ କାର ପଛ ପଟକୁ ଧକ୍କା ଦେଇ ଅଟୋ ଟି ଓଲଟି ପଡିଥିଲା। ଯାହାଫଳରେ ସେଥିରେ ବସିଥିବା ଏକ ଯୁବତୀଙ୍କ ଡାହାଣ ହାତର ୩ଟି ଆଙ୍ଗୁଳି କଟି ଗୁରୁତର ହୋଇଥିଲା। ଖବର ପାଇ ଗୋପାଳପୁର ପୁଲିସ୍ ସେଠାରେ ପହଞ୍ଚି ଆହାତ ଯୁବତୀକୁ ବ୍ରହ୍ମପୁର ବଡ଼ମେଡ଼ିକାଲକୁ ଚିକିତ୍ସା ପାଇଁ ପଠାଇଥିଲା। ଘଟଣା ନେଇ କାର ମାଲିକ ଜରଡା ଥାନା ଅନ୍ତର୍ଗତ ସାହାସପୁର ଗ୍ରାମର ବିବେକାନନ୍ଦ ବିଷୋୟୀ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ମାମଲା ରୁଜୁ କରି ତଦନ୍ତ କରୁଥିବା ଥାନା ଅଧିକାରୀ ବିବେକାନନ୍ଦ ମହନ୍ତ ସୂଚନା ଦେଇଛନ୍ତି।

Comments
Loading...