ବଡ଼ସାହି : ମୟୁରଭଞ୍ଜ ଜିଲ୍ଲା ବଡ଼ସାହି-ବେତନଟୀ ରାସ୍ତାର ବାଘମରା ନିକଟରେ ଶୁକ୍ରବାର ଅପରାହ୍ଣରେ ଦୁଇଟି ବାଇକ ମଧ୍ୟରେ ଦୁର୍ଘଟଣା ଘଟିବାରୁ ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ ହେଲେ ଚନ୍ଦନପୁର ପଞ୍ଚାୟତ, ବିଦ୍ୟାଧରଖୁଣ୍ଟା ଗ୍ରାମର ଜୟନ୍ତ ଓରଫ ତପନ କୁମାର ମହାନ୍ତ(୩୦) । ତପନ ନିଜର ବାଇକ ଯୋଗେ ଯାଉଥିବା ବେଳେ ବିପରୀତ ପଟୁ ବେତନଟୀ ତୁଳସୀଚୌରାର ବାହାଦୁର ସିଂ(୫୦) ତାଙ୍କ ବାଇକରେ ଆସୁଥିଲେ। ଭାରସାମ୍ୟ ହରାଇ ପରସ୍ପରଙ୍କ ମଧ୍ୟରେ ଧକ୍କା ହୋଇଥିଲା । ବାହାଦୁର ଗୁରୁତର ଆହାତ ଥିବାରୁ ତାଙ୍କୁ ବେତନଟୀ ଡ଼ାକ୍ତରଖାନାରେ ଭର୍ତ୍ତି କରାଯାଇଛି। ପୁଲିସ୍ ୨ଟି ଦୁର୍ଘଟଣାଗ୍ରସ୍ତ ବାଇକକୁ ଜବତ କରିବା ସହିତ ଏକ ଦୁର୍ଘଟଣା ମାମଲା ରୁଜୁ କରି ଶବ ବ୍ୟବଛେଦ ପାଇଁ ପଠାଇଛି । ମୃତ ଜୟନ୍ତ ପରିବାରର ଏକ ମାତ୍ର ରୋଜଗାରକ୍ଷମ ବ୍ୟକ୍ତି । ସେ ୪ଚକିଆ ଯାନର ଚାଳକ ଭାବେ କାର୍ଯ୍ୟ କରୁଥିଲେ । ଘରେ ତାଙ୍କ ଉପରେ ନିର୍ଭଶୀଳ ବୃଦ୍ଧା ମା’ ପତ୍ନୀ ଓ ୨ସନ୍ତାନ ବର୍ତ୍ତମାନ ବେସାହାରା ହୋଇପଡ଼ିଛନ୍ତି । ତାଙ୍କ ପରିବାର ନିନ୍ତେ ସରକାରୀ ସହାୟତା ପାଇଁ ଗ୍ରାମବାସୀ ଦାବି କରିଛନ୍ତି ।
Comments are closed.