ବାଇକକୁ ଧକ୍କା ଦେଇ ବସ୍‍ ଦୁର୍ଘଟଣାଗ୍ରସ୍ତ

0

ବାରିପଦା: ବାରିପଦାରୁ ୩୪ କିମି ଦୂର ଝାରପୋଖରିଆ ଥାନା ଇଲାକାର ବାଲିଆସାହି ନିକଟରେ ଆଜି ମଧ୍ୟାହ୍ଣ ୧୨ଟା ସମୟରେ ଏକ ଦ୍ରୁତଗାମୀ ବସ୍‍ ଧକ୍କାରେ ବାଇକ ଚାଳକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ୩୦ରୁ ଅଧିକ ବସଯାତ୍ରୀଙ୍କୁ ସ୍ଥାନୀୟ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଛି। ଚିକିତ୍ସାଧୀନ ଥିବା ଜଣେ ବସଯାତ୍ରୀଙ୍କ ମୃତ୍ୟୁ ଘଟିଥିଲେ ମଧ୍ୟ ତାଙ୍କର ସଠିକ ପରିଚୟ ମିଳିବା ସମ୍ଭବ ହୋଇ ପାରି ନାହିଁ।

ରବିବାର ବାରିପଦାରୁ ପୂର୍ବାହ୍ଣ ୧୧ଟା ସମୟରେ କେନ୍ଦୁଝର ଅଭିମୁଖେ ଯାତ୍ରୀବାହୀ ବସ ‘ସୌରଭ’ନମ୍ବର ଓଡି-୧୧କେ-୨୮୮୫ ଛାଡିଥିଲା। ବାଇକ ଚାଳକକୁ ବଞ୍ଚାଇବାକୁ ଯାଇ ବସ୍‍ଟି ଓଲଟି ପଡିଥିଲା। ଘଟଣାସ୍ଥଳରେ ମୃତ୍ୟୁ ଘଟିଥିବା ବାଇକ ଚାଳକଙ୍କ ମିଳିଥିବା ପରିଚୟ ଅନୁଯାୟୀ ରାଇରଙ୍ଗପୁର ସତ୍ୟନାରାୟଣ ବେରା ବୋଲି ପ୍ରକାଶ। ଦୁର୍ଘଟଣା ପରେ ବସ୍‍ ଡ୍ରାଇଭର ଫେରାର ହୋଇଛି। ପୁଲିସ ପକ୍ଷରୁ ତଦନ୍ତ ଚାଲିଛି। ଏହି ଘଟଣା ନେଇ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି। ରାସ୍ତାରୋକ କରି  ଆନ୍ଦୋଳନକାରୀଙ୍କ ପକ୍ଷରୁ ଫେରାର ବସ୍‍ ଡ୍ରାଇଭରକୁ ତୁରନ୍ତ ଗିରଫ ଓ ମୃତ୍ୟୁ ବ୍ୟକ୍ତିଙ୍କୁ କ୍ଷତି ପୂରଣ ଦାବି କରାଯାଇଛି।

Comments
Loading...