ରେଙ୍ଗାଲିକ୍ୟାମ୍ପ: ଗୋଡଭଗା ଜନତା ଉଚ୍ଚ ବିଦ୍ୟାଳୟରେ ରାଜ୍ୟସ୍ତରୀୟ ଜୁନିୟର ରେଡ଼କ୍ରସ ତାଲିମ ଶିବିର ଉଦଘାଟିତ ହୋଇ ଯାଇଛି। ବିଦ୍ୟାଳୟର ପ୍ରଧାନଶିକ୍ଷକ ଅଦନ ସୁନାଙ୍କ ସଭାପତିତ୍ବରେ ଆୟୋଜିତ ଏହି ଶିବିରରେ ବରଗଡ଼ ଜିଲ୍ଲା ଶିକ୍ଷା ଅଧିକାରୀ ମିତ୍ରଭାନୁ କଛପ ମୁଖ୍ୟ ଅତିଥି ରୂପେ ଯୋଗ ଦେଇ ଶିବିରକୁ ଉଦଘାଟିନ କରିଥିଲେ। ଏହି ଉଦଘାଟନୀ ସଭାରେ ଧନକଉଡ଼ା ବ୍ଲକର ଜୁନିୟର ରେଡକ୍ରସ ଭାଇସ ଚେୟାରମେନ ସୁଷମା ସାହୁ, ଗୋଡ଼ଭଗା ସରପଞ୍ଚ କମଳାକାନ୍ତ ଛନ୍ଦ, ସ୍କୁଲ୍ ପରିଚାଳନା କମିଟି ସଭ୍ୟ ଉମେଶ ପଣ୍ଡା ସମ୍ମାନିତ ଅତିଥି ରୂପେ ଯୋଗ ଦେଇଥିଲେ। ଏହି ଶିବିରଟି ଦୀର୍ଘ ପାଞ୍ଚଦିନ ଧରି ଚାଲିବ। ଜିଲ୍ଲାର ଜେଆରସି କୋଚ ମହେନ୍ଦ୍ର ଆଚାର୍ଯ୍ୟ ଅତିଥି ପରିଚୟ ପ୍ରଦାନ କରିଥିଲେ। ସମାଜ ସେବା ସହ ପରସ୍ପର ପ୍ରତି ବନ୍ଧୁତ୍ୱ ସ୍ଥାପନ କରିବା ଦିଗରେ ରାଜ୍ୟର ପ୍ରତି ବିଦ୍ୟାଳୟମାନଙ୍କରେ ସମସ୍ତ ପିଲାମାନଙ୍କୁ ପ୍ରୋତ୍ସାହିତ କରି କାର୍ଯ୍ୟ କରିବା ପାଇଁ ଆବଶ୍ୟକ ତାଲିମ ଦେବା ଏହି ଶିବିରର ମୁଖ୍ୟ ଉଦ୍ଦେଶ୍ୟ।
ଆକସ୍ମିକ ଦୁର୍ଘଟଣା, ପ୍ରାକୃତିକ ବିପର୍ଯ୍ୟୟ ଆଦି ପ୍ରତିକୂଳ ପରିସ୍ଥିତିରେ କିପରି ପ୍ରାଥମିକ ଚିକିତ୍ସା କରିବା ଆଦି ଉପରେ ଏହି ଶିବିରରେ ତାଲିମ ଦିଆଯାଉଛି। ବରଗଡ଼ ଶାରୀରିକ ଶିକ୍ଷା ଅଧିକାରୀ ତଥା ଜୁନିୟର ରେଡକ୍ରସର ଜିଲ୍ଲା ସମ୍ପାଦକ ଆଶୁତୋଷ ଦେ ମଞ୍ଚ ପରିଚାଳନା ଓ ସଂଯୋଜନା କରିଥିଲେ। ଏହି ତାଲିମ ଶିବିରରେ ଭୁବନେଶ୍ୱର ମହାକୁର ଓ ମନୋଜ କୁମାର ସାହୁ ତାଲିମ ପ୍ରଦାନ କରୁଥିବା ବେଳେ ଶୁଭଶ୍ରୀ ଭୋଇ,ରମେଶ ଚନ୍ଦ୍ର ସେଠ୍ ସାଧନ କର୍ମୀ ଭାବରେ ଯୋଗ ଦେଇଛନ୍ତି। ପ୍ରତି ଜିଲ୍ଲାରେ ୩୦ଜଣ ଅଣତାଲିମ୍ କାଉନସିଲରମାନଙ୍କୁ ଏହ ତାଲିମ ଦିଆଯାଉଥିବା ଜଣାପଡିଛି। ଶେଷରେ ଧର୍ମରାଜ ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ।
Comments are closed.