ରାଜସ୍ଥାନ : ରାଜସ୍ଥାନର ବୁନ୍ଦିରେ ଚମ୍ବଲ ନଦୀରେ ଏକ ଡଙ୍ଗା ଓଲଟି ପଡିବାରୁ ୭ ଜଣଙ୍କର ମୃତ୍ୟୃୁ ଘଟିଛି ଓ ୮ ଜଣ ନିଖୋଜ ଅଛନ୍ତି। ଅଧିକ ଓଜନ ଯୋଗୁ ଡଙ୍ଗାଟି ଓଲଟି ପଡିବାରୁ ଡଙ୍ଗାରେ ଥିବା ଲୋକ ବୁଡ଼ି ଯାଇଥିଲେ, ଯଦିଓ ସେମାନଙ୍କ ମଧ୍ୟରୁ କିଛି ଲୋକଙ୍କୁ ସୁରକ୍ଷିତ ଭାବେ ନଦୀରୁ ଉଦ୍ଧାର କରାଯାଇଥିଲା। ତେବେ ୮ ଜଣ ନିଖୋଜ ଥିବା ଜଣାପଡିଛି। ଏହି ସମସ୍ତ ଲୋକ କମଲେଶ୍ୱର ଧାମକୁ ଯିବା ପାଇଁ ଏକ ଡଙ୍ଗାରେ ଚମ୍ବଲ ନଦୀ ପାର ହେଉଥିଲେ।
କୋଟା ଜିଲ୍ଲାର ଇଟାୱା ସହର ପାଖ ଖାତୋଲି ନିକଟରେ ଏହି ଦୁର୍ଘଟଣା ଘଟିଛି। ଦୁର୍ଘଟଣା ସମୟରେ ଡଙ୍ଗାରେ ୩୦ ଜଣ ଲୋକ ଥିଲେ। ଏହି ଲୋକଙ୍କ ବ୍ୟତୀତ ଡଙ୍ଗାରେ ୧୪ଟି ବାଇକ୍ ମଧ୍ୟ ଥିଲା ଯାହା ନଦୀ ଆର ପଟକୁ ଯାଉଥିଲା।
ଦୁର୍ଘଟଣା ପରେ ତୁରନ୍ତ ଗ୍ରାମବାସୀ ଘଟଣାସ୍ଥଳରେ ପହଞ୍ଚି ବୁଡ଼ି ଯାଉଥିବା ଲୋକଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ। ତେବେ ସ୍ରୋତ ଅଧିକ ଯୋଗୁଁ କିଛି ଲୋକ ଭାସି ଯାଇଛନ୍ତି। ପୁଲିସ କହିଛି ଯେ ମୃତକମାନଙ୍କ ମଧ୍ୟରୁ ଅଧିକାଂଶ ହେଉଛନ୍ତି ଗୋଥାରା କଳାର ବାସିନ୍ଦା।
ସ୍ଥାନୀୟ ଲୋକମାନେ କହିଛନ୍ତି ଯେ କାଠ ଡଙ୍ଗାର ଅବସ୍ଥା ବହୁତ ଖରାପ ଥିଲା। ଏହା ପରେ ମଧ୍ୟ କ୍ଷମତା ଅପେକ୍ଷା ଅଧିକ ଯାତ୍ରୀ ବସିଥିଲେ। ନଦୀ ପାର ହେବା ପାଇଁ ଡଙ୍ଗା ସହିତ ବାଇକ୍ ଗୁଡିକୁ ମଧ୍ୟ ବନ୍ଦି ଦିଆଯାଇଥିଲା। ଏହି କାରଣରୁ ଡଙ୍ଗା ଓଜନ ସହି ନ ପରି ବୁଡ଼ିଗଲା।
କୋଟା ସାଂସଦ ତଥା ଲୋକସଭା ବାଚସ୍ପତି ଓମ ବିର୍ଲା ଏହି ଦୁର୍ଘଟଣା ସମ୍ପର୍କରେ ପ୍ରଶାସନ ଠାରୁ ଅବଗତ ହୋଇଛନ୍ତି। ଅନ୍ୟ ପକ୍ଷରେ କୋଟାରୁ ଏସଡିଆରଏଫ ଦଳକୁ ଘଟଣାସ୍ଥଳକୁ ପଠାଯାଇଛି।
Comments are closed.