ଭାରତରେ କରୋନା ଆକ୍ରାନ୍ତ ସଂଖ୍ୟା ୯୩କୁ ବୃଦ୍ଧି

ନୂଆଦିଲ୍ଲୀ: ଚୀନ୍‌ର ଉହାନରୁ ଆରମ୍ଭ ହୋଇଥିବା କରୋନା ଭୂତାଣୁ ଜନିତ ରୋଗ ‘ନଭେଲ କରୋନା’ ବା କୋଭିଡ୍-୧୯ ବର୍ତ୍ତମାନ ୧୨୩ ଟି ଦେଶକୁ ବ୍ୟାପି ସାରିଛି। ଏହି ସଂକ୍ରମଣରେ ବିଶ୍ବରେ ବର୍ତ୍ତମାନ ସୁଦ୍ଧା ୫ ହଜାରରୁ ଅଧିକ ମୃତ୍ୟୁବରଣ କରିଥିବା ବେଳେ ଭାରତରେ ୩ ଜଣ ପ୍ରାଣ ହରାଇଛନ୍ତି। ବର୍ତ୍ତମାନ ଭାରତରେ କରୋନା ଆକ୍ରାନ୍ତ ସଂଖ୍ୟା ୯୩କୁ ବୃଦ୍ଧି ହୋଇଛି। ସେମାନଙ୍କ ମଧ୍ୟରେ ୭୬ ଜଣ ଭାରତୀୟ ଥିବା ବେଳେ ଅନ୍ୟ ୧୭ ଜଣ ବିଦେଶୀ ନାଗରିକ ରହିଛନ୍ତି।

ମିଳିଥିବା ରିପୋର୍ଟ ଅନୁଯାୟୀ, ଭାରତରେ ମୋଟ ୧୩ଟି ରାଜ୍ୟକୁ କରୋନା ଭାଇରସ ବ୍ୟାପିଛି। କିନ୍ତୁ କେରଳରୁ ଅଧିକାଂଶ ମାମଲା ସାମ୍ନାକୁ ଆସିଛି। ସେଠାରେ ୨୨ ଜଣଙ୍କ ଠାରେ କରୋନା  ଲକ୍ଷଣ ଦେଖିବାକୁ ମିଳିଛି। ଏହା ପରେ ମହାରାଷ୍ଟ୍ରରେ ୧୯ ଜଣଙ୍କୁ  ଚିହ୍ନଟ କରାଯାଇଛି। ୟୁପିରେ ୧୨ ଜଣ ଏବଂ ଦିଲ୍ଲୀରେ ୭ ଜଣଙ୍କଠାରେ କରୋନା ଜୀବାଣୁର ଲକ୍ଷଣ ଦେଖିବାକୁ ମିଳିଛି।

Comments
Loading...