ରାଜ୍ୟରେ ପୁଣି ୯ ମୁଣ୍ଡ ନେଲା କୋରୋନା, ମୃତ୍ୟୁ ସଂଖ୍ୟା ୩୩୩କୁ ବୃଦ୍ଧି

ଭୁବନେଶ୍ୱର: ଆଜି ପୁଣି ୯ ମୁଣ୍ଡ ନେଲା କୋରୋନା । ରାଜ୍ୟରେ ଆଜିକୁ ମୃତ୍ୟୁ ବରଣ କରିଥିବା ୯ ଜଣଙ୍କୁ ମିଶାଇ ରାଜ୍ୟର ମୋଟ୍ ମୃତ୍ୟୁ ସଂଖ୍ୟା ୩୩୩ରେ ପହଞ୍ଚିଛି । ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।


ସେହିପରି ଶନିବାର ମୃତ୍ୟୁ ମାମଲାରେ ସମ୍ବଲପୁରର ସର୍ବାଧିକ ୪ ଜଣ ପ୍ରାଣ ହରାଇଛନ୍ତି । କଟକ ଜିଲାରୁ ୨ ଜଣ, ଗଞ୍ଜାମ, କେନ୍ଦୁଝର, ନୟାଗଡ ଜିଲାରୁ ଜଣେ ଲେଖାଏଁ ରହିଛନ୍ତି ।


କଟକର ୬୭ ଓ ୫୦ ବର୍ଷର ପୁରୁଷ, ଗଞ୍ଜାମରୁ ୫୩ ବର୍ଷର ପୁରୁଷ, କେନ୍ଦୁଝରର ୫୮ ବର୍ଷର ପୁରୁଷ, ନୟାଗଡର ୭୫ ବର୍ଷର ପୁରୁଷ, ସମ୍ବଲପୁରର ୬୫ ଓ ୫୦ ବର୍ଷର ମହିଳା, ଏହା ସହ ସମ୍ବଲପୁରର ୭୪, ୭୮ ଓ ୫୦ ବର୍ଷର ପୁରୁଷ କୋରୋନାରେ ପ୍ରାଣ ହରାଇଛନ୍ତି । ରାଜ୍ୟରୁ ବର୍ତ୍ତମାନ ସୁଦ୍ଧା ୩୩୩ ଜଣଙ୍କର କରୋନାରେ ମୃତ୍ୟୁ ହୋଇଥିବା ବେଳେ ୫୩ ଜଣ କରୋନା ଆକ୍ରାନ୍ତଙ୍କ ଅନ୍ୟରୋଗ କାରଣରୁ ମୃତ୍ୟୁ ହୋଇଛି।

ସୂଚନାଯୋଗ୍ୟ ରାଜ୍ୟରେ ଏବେ ସୁଦ୍ଧା ମୋଟ ୫୭୧୨୬ ପଜିଟିଭ ଚିହ୍ନଟ ହୋଇଥିବା ବେଳେ ୧୭୫୩୫ ଆକ୍ଟିଭ ମାମଲା ରହିଛି । ସେହିପରି ୩୯୨୦୫ ସୁସ୍ଥ ହୋଇ ଘରକୁ ଫେରିଛନ୍ତି । ବର୍ତ୍ତମାନ ସୁଦ୍ଧା ରାଜ୍ୟରେ ୮୫୫୭୧୩ ଟେଷ୍ଟିଂ କରାଯାଇଛି ।

Comments
Loading...