ଦିଲ୍ଲୀ ଘରୋଇ ଡାକ୍ତରଖାନାରେ ମାସକରେ ୮୦ ସଂକ୍ରମିତ; ଟିକା ନେଇଥିବା ଡାକ୍ତର ମୃତ

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କରୋନା ସଂକ୍ରମିତଙ୍କ ସଂଖ୍ୟା ମାତ୍ରାଧିକ ବୃଦ୍ଧିପାଇବା ଏବଂ ରୋଗୀମାନେ ଡାକ୍ତରଖାନାରେ ଚିକିତ୍ସିତ ହେବାକୁ ଶଯ୍ୟା ଯୋଗାଡ କରିବା ସେମାନଙ୍କ ପାଇଁ ଏକପ୍ରକାର ଅସମ୍ଭବ ହୋଇପଡୁଥିବାବେଳେ ଡାକ୍ତରଖାନାରେ ରୋଗୀଙ୍କ ସେବା କରୁôଥବା ଡାକ୍ତର, କର୍ମଚାରୀ ମଧ୍ୟ ଏହି ମହାମାରୀ ପ୍ରଭାବରୁ ବାଦ୍‍ ପଡୁନାହାନ୍ତି। ଦିଲ୍ଲୀର ସରୋଜ ସୁପର ସ୍ପେଶାଲିଟି ହସପିଟାଲରେ ଗତ ମାସକ ମଧ୍ୟରେ ୮୦ରୁ ଅଧିକ କର୍ମଚାରୀ ଏବଂ ଡାକ୍ତର କରୋନା ସଂକ୍ରମିତ ହୋଇସାରିଛନ୍ତି। ସେମାନଙ୍କ ମଧ୍ୟରୁ ଡା ଏ କେ ରାୱତ ନାମକ ଜଣେ ଡାକ୍ତରଙ୍କର ଶନିବାର ଦିନ କରୋନାରେ ମୃତ୍ୟୁ ଘଟିଛି। ସବୁଠାରୁ ବଡ କଥା ହେଉଛି, ଡା. ରାୱତ କରୋନା ଟିକା ନେଇସାରିଥିଲେ। ତାଙ୍କୁ ୫୮ ବର୍ଷ ବୟସ ହୋଇଥିଲା।
ଡାକ୍ତରଖାନାର ମୁଖ୍ୟ ଚିକିତ୍ସାଧିକାରୀ ଡା. ପି କେ ଭରଦ୍ୱାଜ କହିଛନ୍ତି, ଡା. ରାୱତ କିଛିଦିନ ଧରି କରୋନା ସହିତ ଲଢେଇ କରୁଥିଲେ। ସେ ଅତ୍ୟନ୍ତ ସାହସୀ ଥିଲେ। କହୁଥିଲେ ଉତ୍ତମ ଅନୁଭବ କରୁଛନ୍ତି। ସେ ଟିକା ନେଇସାରିଛନ୍ତି, ତେଣୁ ତାଙ୍କର କିଛି ହେବନାହିଁ। କିନ୍ତୁ ସେ ହାରିଗଲେ। ଶନିବାର ତାଙ୍କର ପରଲୋକ ଘଟିଛି। ସଂକ୍ରମିତ ଅନ୍ୟ କର୍ମଚାରୀମାନଙ୍କର ସଂପ୍ରତି ଚିକିତ୍ସା ଚାଲିଛି।

Comments
Loading...