ଡେରାଡୁନ: ଉତ୍ତରାଖଣ୍ଡର ଚାମୋଲି ଜିଲା ଅନ୍ତର୍ଗତ ସୁମ୍ନା ଅଞ୍ଚଳରେ ବରଫ ସ୍ଖଳନ ଯୋଗୁ ୮ ଜଣଙ୍କର ମୃତ୍ୟୁ ଘଟିଛି। ବରଫରେ ଫସି ରହିଥିବା ପ୍ରାୟ ୩୮୪ ଜଣଙ୍କୁ ଭାରତୀୟ ସେନା ପକ୍ଷରୁ ଉଦ୍ଧାର କରାଯାଇ ସେନା ଶିବିରରେ ରଖାଯାଇଛି। ଏମାନେ ସମସ୍ତେ ବର୍ଡର ରୋଡ୍ସ ଅର୍ଗାନାଇଜେଶନ (ବିଆରଓ) କ୍ୟାମ୍ପରେ କାର୍ଯ୍ୟ କରୁଥିଲେ।
ଗତକାଲି ଅପରାହ୍ନ ପ୍ରାୟ ୪ଟାରେ ସୁମ୍ନାଠାରୁ ୪ କିଲୋମିଟର ଦୂର ସୁମ୍ନା-ରିମ୍ଖିମ ରାସ୍ତା ଅଞ୍ଚଳରେ ଏହି ବରଫ ସ୍ଖଳନ ଘଟିଥିଥିଲା। ଖରାପ ପାଗ ଯୋଗୁ ଗତ ସନ୍ଧ୍ୟାରେ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଥିଲା। ଶନିବାର ସେନା ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି। ଆଉ କେହି ବରଫ ଭିତରେ ଫସି ରହିଛନ୍ତି କି ନାହିଁ ତାହାର ଅନୁସନ୍ଧାନ କରାଯାଉଛି।
ସୂଚନା ଅନୁସାରେ, ଗତ ୫ ଦିନ ହେବ ଏହି ଅଞ୍ଚଳରେ ପ୍ରବର୍ଷ ବର୍ଷା ଏବଂ ତୁଷାରପାତ ହେଉଛନ୍ତି। ଏହା ଯୋଗୁ ବରଫ ସ୍ଖଳନ ଘଟିଥିବା କୁହାଯାଉଛି। ବର୍ତ୍ତମାନ ସୁଦ୍ଧା ୮ଟି ମୃତଦେହ ଉଦ୍ଧାର କରାଯାଇଛି। ୪/୫ଟି ସ୍ଥାନରେ ବରଫ ସ୍ଖଳନ ଯୋଗୁ ରାସ୍ତାରେ ଗମନାଗମନ ବାଧାପ୍ରାପ୍ତ ହୋଇଛି। ଜୋଶୀମଠ ବିଆରଓ ଟିମ୍ ପକ୍ଷରୁ ଭାପକୁଣ୍ଡ-ସୁମ୍ନା ରାସ୍ତା ସଫା କାର୍ଯ୍ୟ କରାଯାଉଛି।
Comments are closed.