୭୫୦ ଡାକ୍ତରଙ୍କୁ ମେଡିକାଲ ଅଫିସର ଭାବେ ନିଯୁକ୍ତି

ଭୁବନେଶ୍ୱର : କରୋନା ମହାମାରୀ ସମୟରେ ରାଜ୍ୟର ସ୍ୱାସ୍ଥ୍ୟ ସେବାକୁ ଅଧିକ ସୁଦୃଢ କରିବା ପାଇଁ ସରକାର ଡାକ୍ତର ନିଯୁକ୍ତି ପ୍ରକ୍ରିୟା ଆରମ୍ଭ କରିଛନ୍ତି। ଏହି କ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୭୫୦ ଡାକ୍ତରଙ୍କୁ ମେଡିକାଲ ଅଫିସର ଭାବେ ନିଯୁକ୍ତିକୁ ଗୁରୁବାର ଅନୁମୋଦନ କରିଛନ୍ତି । ନବ ନିଯୁକ୍ତ ଡାକ୍ତରଙ୍କ ନିକଟକୁ ନିଯୁକ୍ତି ପତ୍ର ପଠାଯାଇଛି ଏବଂ ତାଲା ବନ୍ଦ ସମୟରେ ଯୋଗଦେବା ସ୍ଥାନକୁ ଯାତ୍ରା କରିବା ପାଇଁ ତାହାକୁ ପାସ୍ ଭାବେ ବ୍ୟବହାର କରାଯାଇପାରିବ ।
ରାଜ୍ୟ ସରକାରଙ୍କ ବିଜ୍ଞପ୍ତି ଅନୁଯାୟୀ ନବ ନିଯୁକ୍ତ ମେଡିକାଲ ଅଧିକାରୀଙ୍କୁ ୭ ଦିନ ମଧ୍ୟରେ ଯୋଗଦେବାକୁ କୁହାଯାଇଛି। ଯୋଗଦାନ ସ୍ଥାନ ଏନଆଇସି ଭୁବନେଶ୍ୱରରେ ଅନୁଷ୍ଠିତ ଅନଲାଇନ କାଉନସେଲିଂ ମାଧ୍ୟମରେ ସ୍ଥିର କରାଯାଇଥିଲା ।
ମୁଖ୍ୟମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସ ସମସ୍ତ ୭୫୦ ମେଡିକାଲ ଅଧିକାରୀଙ୍କୁ ସେମାନଙ୍କ ନିଯୁକ୍ତି ପାଇଁ ଅଭିନନ୍ଦନ ଜଣାଇଛନ୍ତି।
ଏହାପୂର୍ବରୁ, ଓଡିଶା ଲୋକସେବା ଆୟୋଗ ୭୮୬ ଡାକ୍ତରଙ୍କୁ ଓଡିଶା ମେଡିକାଲ ଆଣ୍ଡ ହେଲଥ ସର୍ଭିସ କ୍ୟାଡର ଅଧୀନରେ ମେଡିକାଲ ଅଫିସର ଭାବରେ ନିଯୁକ୍ତ କରିବାକୁ ସୁପାରିଶ କରିଥିଲା।

Comments
Loading...