ରାଜ୍ୟରେ ୧୮ ହଜାର ଟପିଲା ଆକ୍ରାନ୍ତଙ୍କ ସଂଖ୍ୟା, ଆଜି ଆଉ ୬୭୩ ପଜିଟିଭ୍ ଚିହ୍ନଟ

ଭୁବନେଶ୍ବର : ରାଜ୍ୟରେ କରୋନା ତାର କାୟା​‌ ବିସ୍ତାର କରିଚାଲିଛି। ପ୍ରତିଦିନ ହୁ ହୁ ହୋଇ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି।     ରାଜ୍ୟରୁ ଆଜି ଆଉ ୬୭୩ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଆଜି ଚିହ୍ନଟ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୧୮ ହଜାର ଟପିଛି। ଆଜି ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ୪୪୬ ଜଣ କ୍ବାରେଣ୍ଟାଇନ ସେଣ୍ଟରରୁ ରହିଥିବା ବେଳେ ୨୨୭ ଜଣ ସ୍ଥାନୀୟ ଅଞ୍ଚଳରୁ ରହିଛନ୍ତି। ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।


ଆଜି ଚିହ୍ନଟ ହୋଇଥିବା ୬୭୩ ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମ ଜିଲାରୁ ସର୍ବାଧିକ ୨୩୯ ରହିଥିବା ବେଳେ ଅନୁଗୁଳ ଜିଲାରୁ ୪, ବାଲେଶ୍ୱର ଜିଲାରୁ ୧୩, ବରଗଡଜିଲାରୁ ୨୨ , ଭଦ୍ରକ ଜିଲାରୁ ୫୮, କଟକଜିଲାରୁ ୩୨, ଢେଙ୍କାନାଳ ଜିଲାରୁ ୧୦, ଗଜପତି ଜିଲାରୁ ୧୫, ଜଗତସିଂହପୁର ଜିଲାରୁ ୩୬, ଯାଜପୁରଜିଲାରୁ  ୨୮, ଝାରସୁଗୁଡା ଜିଲାରୁ ୧୪, କନ୍ଧମାଳ ଜିଲାରୁ ୪୪, କେନ୍ଦ୍ରାପଡା ଜିଲାରୁ ୪, ଖୋର୍ଦ୍ଧାଜିଲାରୁ ୫୮, କେନ୍ଦୁଝରଜିଲାରୁ ୨୪, କୋରାପୁଟଜିଲାରୁ ୪୧, ମାଲକାନଗିରି ୪ଜଣ, ମୟୁରଭଞ୍ଜ ଜିଲାରୁ ଜଣେ, ନୟାଗଡ ଜିଲାରୁ ୪, ପୁରୀଜିଲାରୁ ୪, ସମ୍ବଲପୁରଜିଲାରୁ ୩ଜଣ, ସୋନପୁର ଜିଲାରୁ ୪ଜଣ, ସୁନ୍ଦରଗଡଜିଲାରୁ ୧୧ଜଣ ରହିଛନ୍ତି ।


ସୂଚନାଯୋଗ୍ୟ ରାଜ୍ୟରୁ ବର୍ତ୍ତମାନ ସୁଦ୍ଧା ୩ ଲକ୍ଷ ୯୩ ହଜାର ୬୦୨ଟି ନମୂନା ପରୀକ୍ଷଣ କରାଯାଇଥିବା ବେଳେ ମୋଟ୍ ୧୮ ହଜାର ୧୧୦ କରୋନ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ୧୨ ହଜାର ୪୫୨ ଜଣ ସୁସ୍ଥ ହୋଇଥିବା ବେଳେ ୯୭ ଜଣଙ୍କର କରୋନାରେ ମୃତ୍ୟୁ ହୋଇଛି ଏବଂ ୨୮ ଜଣ କରୋନା ଆକ୍ରାନ୍ତଙ୍କ ଅନ୍ୟ ରୋଗ କାରଣରୁ ମୃତ୍ୟୁ ହୋଇଛି। ସେହିପରି ରାଜ୍ୟରେ ୫ ହଜାର ୫୩୩ ଜଣ ଆକ୍ରାନ୍ତ ବର୍ତ୍ତମାନ ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସାଧିନ ରହିଛନ୍ତି।

Comments
Loading...