କ୍ୟାଡର ପୁନର୍ଗଠନ ପରେ କନିଷ୍ଠ ପ୍ରଥମ ଶ୍ରେଣୀ ପାହ୍ୟାକୁ ପଦୋନ୍ନତି ପାଇଲେ ୬୪ ଶିକ୍ଷା ସେବା ଅଧିକାରୀ

କଟକ : ରାଜ୍ୟରେ ବିଦ୍ୟାଳୟ ଶିକ୍ଷାର ଗୁରୁତ୍ଵକୁ ଦୃଷ୍ଟିରେ ରଖି ୧୯୭୧ ମସିହାରେ ଓଡିଶା ଶିକ୍ଷା ସେବା ନିଯୁକ୍ତି ନିୟମାବଳୀ ପ୍ରଣୟନ କରାଯାଇଥିଲା। ମାତ୍ର ଓଇଏଓ ଅଫିସରମାନଙ୍କ ଏକ କ୍ୟାଡର ରୁଲ ନଥିବାରୁ ସେମାନେ ଉପଯୁକ୍ତ ପ୍ରୋମୋଶନ ସୁବିଧା ସୁଯୋଗରୁ ବଞ୍ଚିତ ହେଉଥିଲେ। ଓଇଏସ ଅଫିସର ମାନଙ୍କର ଦୀର୍ଘ୍ୟ ଦିନର ଦାବିକୁ ବିଚାର କରି, ତଥା ଛାତ୍ରଛାତ୍ରୀ ଗୁଣାତ୍ମକ ଶିକ୍ଷା ପ୍ରଦାନ ଲକ୍ଷ୍ୟ ନେଇ ୨୦୧୯ ମସିହାରେ ସରକାର ଏକ ଓଇଏସ କ୍ୟାଡର ରୁଲ ପ୍ରଣୟନ କରିଥିଲେ।

ଏହି କ୍ୟାଡର ରୁଲ ଅନୁଯାୟୀ ୬ ବର୍ଷ କାର୍ଯ୍ୟ କରିସାରିଥିବା ଦ୍ବିତୀୟ ଶ୍ରେଣୀ ଅଫିସମାନଙ୍କୁ କନିଷ୍ଠ ପ୍ରଥମ ଶ୍ରେଣୀକୁ ପଦୋନ୍ନତି ଦେବାପାଇଁ ଓଇଏସ ଅଫିସର ମାନେ ଦାବି କରି ଆସୁଥିଲେ। ବିଭାଗରେ ସତ୍ୟବ୍ରତ ସାହୁ ନୂତନ ପ୍ରମୁଖ ଶାସନ ସଚିବଭାବେ ଯୋଗଦାନ କରିବା ପରେ ତୁରନ୍ତ ବିଭାଗୀୟ ପଦୋନ୍ନତି କମିଟି ବୈଠକ ଡକାଇ ୬୪ ଜଣ ଯୋଗ୍ୟ ଅଫିସରଙ୍କ ନାମ ସୁପାରିଶ କରିଥିଲେ। ଏହା ସରକାରଙ୍କ ଅନୁମୋଦନ ପରେ ଆଜି ଉକ୍ତ ଅଫିସରମାନଙ୍କୁ ପଦୋନ୍ନତି ଦିଆଯାଇଛି। ଏଥିପାଇଁ ଓଡିଶା ଶିକ୍ଷା ସେବାସଂଘ ତରଫରୁ ମାନ୍ୟବର ମୁଖ୍ୟମନ୍ତ୍ରୀ ,ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଓ ପ୍ରମୁଖ ଶାସନ ସଚିବଙ୍କୁ ସଂଘର ସଭାପତି ପ୍ରଦୀପ କୁମରେ ନାୟକ ଓ ସାଧାରଣ ସମ୍ପାଦକ ସନାତନ ପଣ୍ଡା କୃତଜ୍ଞତା ଜରାଇଛନ୍ତି।

Comments
Loading...