କୃଷକଙ୍କ ଆନ୍ଦୋଳନକୁ ସମର୍ଥନ କରି ଗୁରୁବାର ଠାରୁ ଟ୍ରକ ଧର୍ମଘଟ : ବଢିବ ପନିପରିବା ଦର !

ନୂଆଦିଲ୍ଳୀ : ଦେଶରେ କୃଷକଙ୍କ ଆନ୍ଦୋଳନ ପରିପ୍ରେକ୍ଷୀରେ ଦିଲ୍ଲୀର ପ୍ରମୁଖ ବଜାରକୁ ୨୫ ରୁ ୫୦ ପ୍ରତିଶତ କମ୍ ପନିପରିବା ଆସୁଛି ଫଳରେ କାରବାର ପ୍ରଭାବିତ ହୋଇଛି। ଏସିଆର ବୃହତ୍ତମ ଫଳ-ପନିପରିବା ବଜାର ଆଜାଦପୁରକୁ ପନିପରିବାର ଆଗମନ ୫୦ ପ୍ରତିଶତ ହ୍ରାସ ପାଇଛି । ଗାଜିପୁର ପନିପରିବା ବଜାର ଏବଂ କେଶୋପୁର ପନିପରିବା ବଜାରକୁ ମଧ୍ୟ ପନିପରିବାର ଆସିବା ହ୍ରାସ ପାଇଛି।

ଅନ୍ୟପକ୍ଷରେ ଏହି ସମୟରେ, ଏକ ବଡ ଟ୍ରକ୍ ମାଲିକ ସଂଗଠନ ଏଆଇଏମଟିସି ଗୁରୁବାର ଠାରୁ ଧର୍ମଘଟ କରିବାକୁ ନିଷ୍ପତ୍ତି ନେଇଛି । ଏହି କାରଣରୁ ପ୍ରାୟ ୬୦ ହଜାର ଟ୍ରକ୍ ରାସ୍ତାରେ ଗଡିବ ନାହିଁ, ଯାହା ଦେଶର ଯୋଗାଣ ଶୃଙ୍ଖଳ ଉପରେ ପ୍ରଭାବ ପକାଇପାରେ। ଏହି କାରଣରୁ ପନିପରିବା ଦର ମଧ୍ୟ ବଢିପାରେ।

ଆଜାଦପୁର ପନିବରିବା ବଜାର(ସବଜୀ ମଣ୍ଡି) ଅଧ୍ୟକ୍ଷ ଆଦିଲ ଅହମ୍ମଦ ଖାନ କହିଛନ୍ତି ଯେ କୃଷକଙ୍କ ଆନ୍ଦୋଳନ ଯୋଗୁଁ ପଞ୍ଜାବ-ହରିୟାଣାରୁ ଆଳୁ ଆସିବା ପ୍ରାୟ ସମ୍ପୂର୍ଣ୍ଣ ବନ୍ଦ ହୋଇଯାଇଛି । ଦୈନିକ ପ୍ରାୟ ୧୨ହଜାର ଟନ୍ ଫଳ ଏବଂ ପନିପରିବା ଆସିଥାଏ, ଯାହା ବର୍ତ୍ତମାନ ୬-୭ ହଜାର ଟନକୁ ହ୍ରାସ ପାଇଛି । ପୂର୍ବରୁ ପନିପରିବାର ଥିବା ଯୋଗୁ ଯୋଗାଣର ଅଭାବ ପନିପରିବା ମୂଲ୍ୟ ଉପରେ ପ୍ରଭାବ ପକାଇବ ନାହିଁ, କିନ୍ତୁ ଯଦି ଯୋଗାଣ ଜାରି ନ ରୁହେ, ତେବେ ଆଳୁ ଏବଂ ପିଆଜ ସମେତ ସମସ୍ତ ପନିପରିବା ମୂଲ୍ୟରେ ଯଥେଷ୍ଟ ପ୍ରଭାବ ପଡିବ।

ଗାଜୀପୁର ପନିବରିବା ବଜାର(ସାବଜୀ ମାଣ୍ଡି)ର ଅଧ୍ୟକ୍ଷ ସତ୍ୟଦେବ ପ୍ରସାଦ କହିଛନ୍ତି ଯେ ପଞ୍ଜାବରୁ ପ୍ରତିଦିନ ୧୫୦ ଟ୍ରକ ଆଳୁ ମଜାରକୁ ଆସୁଥିଲା, ଯାହା ବର୍ତ୍ତମାନ ଏକ କିମ୍ବା ଦୁଇଟି ଟ୍ରକକୁ ହ୍ରାସ ପାଇଛି। ଅନ୍ୟାନ୍ୟ ପନିପରିବା ଆସିବା ମଧ୍ୟ ପ୍ରଭାବିତ ହୋଇଛି। କେଶୋପୁର ସାବଜୀ ମାଣ୍ଡି ଅଧ୍ୟକ୍ଷ ରାଧେଶ୍ୟାମ ଶର୍ମା କହିଛନ୍ତି ଯେ ଆଳୁ-ପିଆଜର ପ୍ରଭାବ ପ୍ରରିଲ୍ଲକ୍ଷିତ ହୋଇଛି, ଯଦିଓ ସ୍ଥାନୀୟ ପନିପରିବା ଆସୁଥିବାରୁ ଏହାର ମୂଲ୍ୟ ଅଧିକ ବଢିବନାହିଁ। ତେବେ ଯଦି କୃଷକଙ୍କ ଆନ୍ଦୋଳନ ଆଗକୁ ବଢେ, ଅସୁବିଧା ବୃଦ୍ଧି ପାଇବାର ସମ୍ଭାବନା  ରହିଛି।

Comments are closed.