କେନ୍ଦ୍ରାପଡାରେ ୬ କରୋନା ଯୋଦ୍ଧାଙ୍କୁ କରୋନା

କେନ୍ଦ୍ରାପଡା : ଆଜି ରାଜ୍ୟରେ ଚିହ୍ନଟ ୧୨୯ ଜଣ କରୋନା ଆକ୍ରାନ୍ତଙ୍କ ମଧ୍ୟରୁ କେନ୍ଦ୍ରାପଡା ଜିଲ୍ଲାରୁ ୧୮ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୬ ଜଣ ଅଙ୍ଗନବାଡ଼ି, ଆଶାକର୍ମୀଙ୍କ ସମେତ ଦୁଇ ଜଣ ଅସ୍ଥାୟୀ ସ୍ୱାସ୍ଥ୍ୟ କର୍ମୀ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏବାବଦରେ ସୂଚନା ଦେଇଛନ୍ତି କେନ୍ଦ୍ରାପଡା ଜିଲ୍ଲାପାଳ ସମର୍ଥ ବର୍ମା । ସୂଚନା ମୁତାବକ କେନ୍ଦ୍ରାପଡା ଜିଲ୍ଲାର ଦୁଇଟି ଅସ୍ଥାୟୀ ମେଡିକାଲ କ୍ୟାମ୍ପ (ଟିଏମସି) ରେ ନିୟୋଜିତ ଅଙ୍ଗନୱାଡି, ଆଶା କର୍ମଚାରୀ ଏବଂ କର୍ମଚାରୀଙ୍କ ସମେତ ୬ ଜଣ ବ୍ୟକ୍ତି କୋଭିଡ-୧୯ ପଜିଟିଭ ଚିହ୍ନଟ ହୋଇଛନ୍ତି । ଚିହ୍ନଟ ସ୍ବାସ୍ଥ୍ୟକର୍ମୀମାନଙ୍କ ମଧ୍ୟରେ ମାର୍ଶାଘାଇର ଜଣେ ଆଶା ଦିଦି ,ଜଣେ ଅଙ୍ଗନବାଡି କର୍ମୀ, ଜଣେ ସୁଇପର, ଜଣେ ସ୍ୱାସ୍ଥ୍ୟକର୍ମୀଙ୍କୁ କରୋନା ହୋଇଥିବା ବେଳେ ପେଣ୍ଠପାଳ ପଞ୍ଚାୟତର ଜଣେ ସ୍ୱାସ୍ଥ୍ୟକର୍ମୀ ଓ ଜଣେ ଭଲ୍ୟୁଣ୍ଟରଙ୍କୁ କରୋନା ପଜିଟିଭ୍ ଚିହ୍ନଟ ହୋଇଛନ୍ତି ଏନେଇ ଆଜି କେନ୍ଦ୍ରାପଡ଼ା କଲେକ୍ଟର ଶ୍ରୀ ବର୍ମା ସୂଚନା ଦେଇଛନ୍ତି।

କରୋନା ଯୋଦ୍ଧା ପଜିଟିଭ ଚିହ୍ନଟ ହେବା ପରେ ଏହା ପରେ ଜିଲ୍ଲାର ମାର୍ଶାଘାଇ ଓ ପେଣ୍ଠପାଳ ଅଂଚଳକୁ କଣ୍ଟେନମେଣ୍ଟ ଅଂଚଳ ଭାବେ ଘୋଷଣା କରାଯାଇଛି । ଏହି ପରେ ମାର୍ଶାଘାଇ ଅଂଚଳର ୪୦୦ ଙ୍କ ମଧ୍ୟରୁ ୩୦୦ପରିବାର ଓ ପେନ୍ଥାପାଲ ଅଂଚଳର ୮୦ଟି ପରିବାର କଣ୍ଟନମେଣ୍ଟ ଜୋନରେ ରହିବେ । ଏମଧ୍ୟରୁ ପ୍ରଥମ ପର୍ଯ୍ୟାୟ ସମସ୍ତ ପରିବାରଙ୍କ ପରୀକ୍ଷା ନିରୀକ୍ଷା ଶେଷ ହୋଇଛି ସରିଛି । କିନ୍ତୁ ଏମଧ୍ୟରୁ କୌଣସିଟି ପରିବାର ସଂକ୍ରମିତ ହୋଇନଥିବା ଜଣାଯାଇଛି । ଯଦି ଦ୍ଵିତୀୟ ପର୍ଯ୍ୟାୟରେ କୌଣସିଟି ଲୋକଙ୍କ ଠାରେ ଲକ୍ଷଣ ନଦେଖାଯାଏ ତେବେ ଅଂଚଳରୁ କଣ୍ଟନମେଣ୍ଟ କଟକଣା ଉଠାଇ ଦିଆଯିବ ବୋଲି ଜିଲ୍ଲାପାଳ ସମର୍ଥ ବର୍ମା ସୂଚନା ଦେଇଛନ୍ତି ।

Comments are closed.