ପୁନରୁଦ୍ଧାର କାର୍ଯ୍ୟରେ ଏନଡିଆରଏଫ୍‍ର ୫୦ଟି ଦଳ

ଭୁବନେଶ୍ୱର: ସାମୁଦ୍ରିକ ବାତ୍ୟା ଫୋନୀରେ ରାଜ୍ୟରେ ବ୍ୟାପକ କ୍ଷତି ଘଟିଛି। ବିପର୍ଯ୍ୟୟ ପରିଚାଳନା ଏବଂ ପୁନଃରୁଦ୍ଧାର ପାଇଁ ଏନଡିଆରଏଫ୍‍ର ୫୦ଟି ଦଳ ଏବେ ଦିନରାତି କାର୍ଯ୍ୟ କରୁଛନ୍ତି। ବାତ୍ୟା ପୁନଃରୁଦ୍ଧାର ନସରିବା ଯାଏଁ ଏନଡିଆରଏଫ ଟିମ୍‍ ଓଡିଶାରେ ରହିବ ବୋଲି ଏନଡିଆରଏଫ ଡିଜି ସତ୍ୟ ନାରାୟଣ ପ୍ରଧାନ କହିଛନ୍ତି।। ପୂର୍ବରୁ ୪୪ଟି ଦଳ ପୁନଃରୁଦ୍ଧାର କାମରେ ଲାଗିଥିବା ବେଳେ ଆଉ ୬ଟି ଟିମ୍‍ କୋଲକାତାରୁ ଆସି ସେମାନଙ୍କ ସହ ଯୋଗ ଦେଇଛନ୍ତି। କୋଲକାତାରୁ ଗ୍ୟାସ କଟର ଓ ପ୍ଲାଜମା କଟର ମଗାଯାଇଛି। ଆବଶ୍ୟକ ହେଲେ ଆଉ ଅଧିକ ଟିମ୍‍ ମଗାଯିବ ବୋଲି ଏନଡିଆରଏଫ ଡିଜି ସତ୍ୟ ନାରାୟଣ ପ୍ରଧାନ ସୂଚନା ଦେଇଛନ୍ତି।

ସେ କହିଛନ୍ତି ଯେ କେରଳ ବନ୍ୟା ପରେ ଓଡିଶାରେ ବଡ ଅପରେସନ ଜାରି ରଖିଛି ଏନଡିଆରଏଫ। ବିଶେଷ କରି ପୁରୀ ଓ ଭୁବନେଶ୍ୱରରେ ଅଧିକ ଟିମ କାମ କରୁଛନ୍ତି। ବାତ୍ୟା ପରେ ଗମନାଗମନ ସ୍ୱାଭାବିକ ହୋଇଥିବା ବେଳେ ଜଳ ଯୋଗାଣ ଅନ୍ତିମ ପର୍ଯ୍ୟାୟରେ ପହଞ୍ଚିଛି। ଏନଡିଆରଏଫ ବିଦ୍ୟୁତ ସରବରାହ ଓ ବଣ୍ଟନ ଉପରେ ଗୁରୁତ୍ୱ ଦେଉଥିବା ସେ କହିଛନ୍ତି।

Comments
Loading...