ଭୁବନେଶ୍ଵର: ରାଜ୍ୟରେ ଗୁରୁବାର ଚିହ୍ନଟ ହୋଇଥିବା ୭୩ ଆକ୍ରାନ୍ତଙ୍କ ସମ୍ପର୍କରେ ରାଜ୍ୟ ସରକାର ତଥ୍ୟ ଦେଇଛନ୍ତି। ଏହି ଆକ୍ରାନ୍ତଙ୍କ ମଧ୍ୟରୁ ୫୦ ଜଣ ସୁରତ ଫେରନ୍ତା ହୋଇଥିବାବେଳେ ୨୦ ଜଣ ପଶ୍ଚିମବଙ୍ଗ ଏବଂ ଜଣେ କର୍ଣ୍ଣାଟକ ଫେରନ୍ତା। ଅନ୍ୟ ୨ ଜଣ ସୁନ୍ଦରଗଡ଼ର କଣ୍ଟେନମେଣ୍ଟ ଜୋନରୁ ଚିହ୍ନଟ ହୋଇଛନ୍ତି।
ଗୁରୁବାର ଚିହ୍ନଟ ୭୩ ଜଣଙ୍କ ମଧ୍ୟରୁ ଗଞ୍ଜାମର ୪୨, ଯାଜପୁରର ୧୭, ଭଦ୍ରକର ୯, ସୁନ୍ଦରଗଡ଼ର ୨ ଓ ଖୋର୍ଦ୍ଧାର ୩ ସଂକ୍ରମିତ ରହିଛନ୍ତି। ଗଞ୍ଜାମର ୪୨ ଆକ୍ରାନ୍ତଙ୍କୁ ମିଶାଇ ଜିଲାରେ ମୋଟ ସଂକ୍ରମିତଙ୍କ ସଂଖ୍ୟା ୨୫୨ରେ ପହଞ୍ଚିଛି। ସେହିପରି ଭଦ୍ରକରେ ପୂର୍ବରୁ ୩୧ ଆକ୍ରାନ୍ତ ଥିବାବେଳେ ଗୁରୁବାର ତାହା ୪୦ରେ ପହଞ୍ଚିଛି। ଏହାବ୍ୟତୀତ ଖୋଦ୍ଧାରେ ସଂକ୍ରମିତ ସଂଖ୍ୟା ୫୩, ସୁନ୍ଦରଗଡ଼ରେ ୨୫ ଏବଂ ଯାଜପୁରରେ ୮୮କୁ ବୃଦ୍ଧି ପାଇଛି। ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୬୧୧କୁ ବଢ଼ିଥିବାବେଳେ ୪୬୫ ଜଣ ଏବେ ସକ୍ରିୟ ରହିଛନ୍ତି ଏବଂ ୧୪୩ ଜଣ ସୁସ୍ଥ ହୋଇଛନ୍ତି। ୩ ସଂକ୍ରମିତଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୨ ଜଣ ଖୋର୍ଦ୍ଧା ଏବଂ ଜଣେ ଗଞ୍ଜାମ ଜିଲାର।
Comments are closed.