କେରଳରେ ପ୍ରବଳ ବର୍ଷା ପରେ ଭୁସ୍ଖଳନ; ୧୫ ମୃତ, ମାଟି ତଳେ ୬୫ ଶ୍ରମିକ

ଥିରୁଭାନନ୍ଥପୂରମ: କେରଳରେ ପ୍ରବଳ ବର୍ଷା ଯୋଗୁ ବନ୍ୟା ସୃଷ୍ଟି ହୋଇଛି। ଇଡୁକ୍କୀ ଜିଲାର ରାଜମଲା ଅଞ୍ଚଳରେ ବର୍ଷା ଫଳରେ ଭୁସ୍ଖଳନ ଘଟିଛି। ଏଥିରେ ୧୫ ଜଣଙ୍କର ମୃତ୍ୟୁ ହୋଇଛି। ମାଟି ତଳେ ଚାପି ହୋଇଯାଇଥିବା ଅନ୍ୟ ୧୦ ଜଣଙ୍କୁ ଉଦ୍ଧାର କରାଯାଇଥିବା ପୁଲିସ ପକ୍ଷରୁ ସୂଚନା ମିଳିଛି। ମାଟି ତଳେ ଅନ୍ୟ କେହି ଫଶି ରହିଛନ୍ତି କି ନାହିଁ ତାହା ଜାଣିବା ଲାଗି ଏନଡିଆରଏଫ ଏବଂ ବନ ବିଭାଗ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି। ଘଟଣା ସ୍ଥଳରେ ଉଦ୍ଧାର କାର୍ଯ୍ୟ ପାଇଁ ହେଲିକପ୍ଟର ପଠାଇବା ଲାଗି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ବାୟୁସେନା ସହିତ ଯୋଗାଯୋଗ କରାଯାଇଥିବା ସୂଚନା ମିଳିଛି। କୁହାଯାଉଛି ଯେଉଁ ସ୍ଥାନରେ ଭୂସ୍ଖଳନ ଘଟିଛି ସେଠାରେ ୪ଟି ଶିବିରରେ ୮୦ରୁ ଅଧିକ ଶ୍ରମିକ ରହୁଥିଲେ। ତେଣୁ ମାଟିତଳେ ଆହୁରି ୬୫ ଜଣ ଫଶିଥିବା ଆଶଙ୍କା କରାଯାଉଛି।

ସ୍ବାସ୍ଥ୍ୟମନ୍ତ୍ରୀ କେ.କେ. ଶେଲଜା କହିଛନ୍ତି ଯେ, ଏକ ଭ୍ରାମ୍ୟମାଣ ମେଡିକାଲ ଟିମ୍‌ ଏବଂ ୧୫ଟି ଆମ୍ବୁଲାନ୍ସ ଇଡୁକ୍କୀ ପଠାଯାଇଛି। ଆବଶ୍ୟକ ପଡ଼ିଲେ ଆହୁରି ମେଡିକାଲ ଟିମ୍‌ ପଠାଯିବ। ହସ୍ପିଟାଲଗୁଡ଼ିକୁ ସତର୍କ ରହିବାକୁ କୁହାଯାଇଛି। ରାଜସ୍ବ ମନ୍ତ୍ରୀ ଇ. ଚନ୍ଦ୍ରଶେଖରନ୍‌ କହିଛନ୍ତି ଯେ, ଘଟଣାସ୍ଥଳରେ ୪ଟି ଶ୍ରମିକ ଶିବିର ଥିଲା। ସେଥିରେ ପ୍ରାୟ ୮୨ ଜଣ ରହୁଥିଲେ। କିନ୍ତୁ ଭୁସ୍ଖଳନ ସମୟରେ ସେଠାରେ କେତେଜଣ ଥିଲେ ତାହା ଜଣାପଡ଼ିନାହିଁ।

#WATCH 5 dead in landslide in Idukki’s Rajamala, #Kerala; 10 rescued so far

Kerala CM has requested assistance from Indian Air Force for the rescue operation. pic.twitter.com/yWmwXHUxEz

— ANI (@ANI) August 7, 2020

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଘଟଣାରେ ଦୁଃଖ ପ୍ରକାଶ କରିବା ସହ ମୃତକଙ୍କ ପରିବାରକୁ ସମବେଦନା ଜ୍ଞାପନ କରିଛନ୍ତି । ପ୍ରତ୍ୟେକ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଓ ଆହତଙ୍କ ଚିକିତ୍ସା ନିମନ୍ତେ ୫୦ ହଜାର ଟଙ୍କା ପ୍ରଧାନମନ୍ତ୍ରୀ ରିଲିଫ ଫଣ୍ଡରୁ ମଞ୍ଜୁର କରିଛନ୍ତି ।

Ex-gratia of Rs. 2 lakh each from PMNRF would be given to the next of kin of those who have lost their lives due to a landslide in Rajamalai, Idukki. Rs. 50,000 each would be given to those injured due to the landslide.

— PMO India (@PMOIndia) August 7, 2020

ଅପରପକ୍ଷରେ କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନ ମଧ୍ୟ ଏହି ମାମଲାରେ ନିଜର ସମ୍ବେଦନଶୀଳତା ପ୍ରକାଶ କରିବା ସହ ପ୍ରତ୍ୟେକ ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ସହାୟତା ଦିଆଯିବାକୁ ଘୋଷଣା କରିଛନ୍ତି ।

Ex-gratia of Rs 5 lakhs each would be given to the next of kin of those who have lost their lives due to a landslide in Rajamalai, Idukki. The state government will bear the expense of treatment of those injured due to the landslide: Pinarayi Vijayan, Chief Minister, #Kerala https://t.co/S5YSX2xog6

— ANI (@ANI) August 7, 2020