ପୁଣି ୫ ମୁଣ୍ଡ ନେଲା କରୋନା, ମୋଟ ମୃତ୍ୟୁ ସଂଖ୍ୟା ୬୧

ଭୁବନେଶ୍ବର : ରାଜ୍ୟରୁ ଆଉ ୫ ଜଣଙ୍କ ଜୀବନ ନେଇଛି ମହାମାରୀ କରୋନା । ଆଜି ମୃତ୍ୟୁ ବରଣ କରିଥିବା ୫ ଜଣଙ୍କୁ ମିଶାଇ ରାଜ୍ୟରେ  ମୋଟ୍ ମୃତ୍ୟୁ ସଂଖ୍ୟା ୬୧ରେ ପହଞ୍ଚିଛି । ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ଆଜି ମୃତ୍ୟୁ ବରଣ କରିଥିବା ୫ ଜଣଙ୍କ ମଧ୍ୟରେ ଦୁଇ ଜଣ ଗଞ୍ଜାମ ଜିଲାରୁ ରହିଥିବା ବେଳେ କଟକ, ପୁରୀ ଓ ଭୁବନେଶ୍ବରରୁ ଜଣେ ଲେଖାଏଁ ରହିଛନ୍ତି।

Regret to inform the demise of 5 Covid positive patients while under treatment in hospitals.

1. A 70-year old Male of Puri district who was also suffering from Diabetes and Hypertension.

— H & FW Dept Odisha (@HFWOdisha) July 11, 2020

ଗଞ୍ଜାମ ଜିଲାରୁ ସର୍ବାଧିକ ୨ଜଣଙ୍କର ମୃତ୍ୟୁ ଘଟିଛି । ଜଣଙ୍କର ବୟସ ୫୫ ହୋଇଥିବା ବେଳେ ଅନ୍ୟ ଜଣେ ୭୨ ବର୍ଷର ଓ ସେ ଡାଇବେଟିସ୍‌ରେ ଆକ୍ରାନ୍ତ ଥିଲେ ବୋଲି ଜଣାପଡ଼ିଛି । ଉଦ୍ଭୟ ପୁରୁଷ ହୋଇଥିବା ସୂଚନା ମିଳିଛି । ଆଜିର ମୃତ୍ୟୁ ସଂଖ୍ୟାକୁ ମିଶାଇ ଗଞ୍ଜାମର ଜିଲାରେ ମୋଟ କରୋନାଜନିତ ମୃତ୍ୟୁ ୩୬କୁ ବୃଦ୍ଧି ହୋଇଛି ।

5. A 72-year old Male of Ganjam district who was also suffering from Diabetes.

— H & FW Dept Odisha (@HFWOdisha) July 11, 2020

ସେହିପରି କଟକ ଜିଲାରୁ ପ୍ରାଣ ହରାଇଥିବା ୪୬ବର୍ଷୀୟ ପୁରୁଷ ଥାଇରଏଡ଼ , ଡାଇବେଟିସ୍ ଓ ବ୍ଲଡ ପ୍ରେସରରେ ଆକ୍ରାନ୍ତ ଥିଲେ ।
ଭୁବନେଶ୍ୱରରୁ ପ୍ରାଣ ହରାଇଥିବା ସଂକ୍ରମିତ ମହିଳା ଓ ସେ ୫୬ ବର୍ଷର ବୋଲି ଜଣାପଡ଼ିଛି । ସେ ମଧ୍ୟ ଡାଇବେଟିସ୍‌ରେ ପିଡ଼ୀତ ଥିଲେ ।
ପୁରୀ ଜିଲାରୁ ଜଣେ ୭୦ ବର୍ଷୀୟ ପୁରୁଷ ପୂର୍ବରୁ ଡାଇବେଟିସ୍ ଓ ଉଚ୍ଚ ରକ୍ତଚାପ ଜନିତ ରୋଗରେ ପିଡ଼ୀତ ଥିଲେ ।

ସେହିପରି ଆଜି କେନ୍ଦ୍ରାପଡାରୁ ଜଣେ କରୋନା ଆକ୍ରାନ୍ତଙ୍କର ଅନ୍ୟରୋଗ କାରଣରୁ ମୃତ୍ୟୁ ହୋଇଛି। ମୃତକ ଜଣଙ୍କ ୬୨ ବର୍ଷିୟ ମହିଳା ହୋଇଥିବା ବେଳେ ସେ ବ୍ରେନ୍ ଟ୍ୟୁମରରୁ ମୃତ୍ୟୁ ହୋଇଛି ବୋଲି ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି।

Regret to report the demise of a 62-year old Covid positive female of Kendrapara district due to brain tumour.

She was also suffering from Diabetes, Hypertension and Asthma.

— H & FW Dept Odisha (@HFWOdisha) July 11, 2020