ବିଦ୍ୟୁତ୍‍ ଚାଳିତ ମୋଟର ପମ୍ପ ଚୋରି ; ୫ଅଭିଯୁକ୍ତ କୋର୍ଟ ଚାଲାଣ

ରେଙ୍ଗାଲି: କତରବଗା ଥାନା ର ଲଇଡା ଫାଣ୍ଡି ଅଧିନସ୍ଥ କିନାଲୋଇ ଗ୍ରାମ ର ମନୋଜ ନାଏକଙ୍କ ବାଡିପଟେ ଥିବା କୁଅ ରେ ଲାଗିଥିବା ବିଦ୍ୟୁତ୍‍ ଚାଳିତ ମୋଟର ପମ୍ପ ଗତ ଗତ ୨୮ ତାରିଖ ଦିନ ଚୋରି ହୋଇଥିଲା। ଏସଂକ୍ରାନ୍ତରେ ଥାନା ରେ ଅଭିଯୋଗ ହେଲାପରେ ପୁଳିସ ଏହାର ତଦନ୍ତ କରି ମୋଟର ପମ୍ପ ଚୋରି କରିଥିବା ୪ଜଣ ଅଭିଯୁକ୍ତ ଏବଂ ଚୋରି ମୋଟର ପମ୍ପ କିଣିଥିବା ଜଣେ ଅଭିଯୁକ୍ତ ଙ୍କୁ ଗିରଫ କରି କୋର୍ଟ ଚାଲାଣ କରିଥିବା ର ଜଣା ପଡିଛି। କତରବଗା ଆଇଆଇସି ଅଜୟ କୁମାର ଜେନା ଏବଂ ଲଇଡା ଫାଣ୍ଡିଅଧିକାରୀ ରବୀନ୍ଦ୍ର କୁମାର ପ୍ରଧାନଙ୍କ ସୁତ୍ରରୁ ପ୍ରାପ୍ତ ସୂଚନା ଅନୁଯାୟୀ ମୋଟର ଚୋରି କରିଥିବା ଆସାମୀ ମାନେ ହେଲେ କିନାଲୋଇ ଗ୍ରାମ ର ନରେଶ ପଟ୍ଟା((୩୩),ଧରଣୀଧର ବେହେରା ଓରଫ ରବି,ଦୀପକ ମାକର(୩୨) ଏବଂ କୋଲାବିରା ଥାନା ଅନ୍ତର୍ଗତ ସୋଢାମାଲ ଗ୍ରାମର କୃଷ୍ନ ବଗାର (୩୩)। ଏହି ୪ଜଣ ଚୋର ମନୋଜ ନଏକ ଙ୍କ କୂଅରୁ ମୋଟର ପମ୍ପ ଚୋରୀ କରି ଜୁନାଡିହି ଗ୍ରାମ ର ରବିନ୍ଦ୍ର ସେଉଲ ଙ୍କ ଠାରେ ବିକ୍ରି କରିଥିଲେ। ପୁଳିସ ତଦନ୍ତ ଏବଂ ଖାନାତଳାସ ସମୟ ରେ ରବିନ୍ଦ୍ର ସେରଲ ଙ୍କ ଘରୁ ଚୋରୀ ହୋଇଥିବା ମୋଟର ପମ୍ପ ଉଦ୍ଧାର କରାଯାଇଥିଲା। କେସ୍‍ ନଂ ୧୫୫ ରେ ମାମଲା ରୁଜ୍ଜୁ କରାଯାଇ ମୋଟର ପମ୍ପ କିଣିଥିବା ରବିନ୍ଦ୍ର ସେଉଲ ସମେତ ୪ଜଣ ଚୋର ଙ୍କୁ ଆଜି କୋର୍ଟ ଚାଲାଣ କରାଯାଇଛି।

Comments
Loading...