ଭାରତ ଓ ଚୀନ ମଧ୍ୟରେ ଉତ୍ତେଜନା ମଧ୍ୟରେ ପାକିସ୍ଥାନ ପକ୍ଷରୁ ଆରମ୍ଭ ହୋଇଛି ଉସୁକାଇବା ପରି କାମ । ବୁଧବାର ପାକିସ୍ଥାନ ନୌସେନା ଭାରତୀୟ ଜଳସୀମା ମଧ୍ୟରେ ପ୍ରବେଶ କରି ୮ଟି ବୋଟରେ ସବାର ୪୫ ମତ୍ସ୍ୟଜୀବୀଙ୍କୁ ବନ୍ଦୀ କରି କରାଚୀ ବନ୍ଦରକୁ ନେଇ ଯାଇଛି । ୮ଟି ବୋଟ୍ ମଧ୍ୟରୁ ୬ଟି ପୋରବନ୍ଦର ଓ ୨ଟି ବୋଟ୍ ବିରାବଲ ଅଞ୍ଚଳର ବୋଲି ଜଣାପଡ଼ିଛି। ଏହାକୁ ନେଇ ଗୁଜରାଟର ମତ୍ସ୍ୟଜୀବୀମାନେ କେନ୍ଦ୍ର ସରକାରଙ୍କ ଦୃଷ୍ଟି ଆକର୍ଷଣ କରିଛନ୍ତି । ପାକ୍ ନୌସେନା ଦ୍ବାରା ଗିରଫ ମତ୍ସ୍ୟଜୀବୀମାନେ ଭାରତୀୟ ଜଳସୀମା ମଧ୍ୟରେ ମାଛ ଧରୁଥିଲେ, ମାତ୍ର ପାକ୍ ନୌସେନା ସେମାନଙ୍କୁ ଅଯଥାରେ ବନ୍ଦୀ କରି ନେଇଛି ବୋଲି ସେମାନେ ଅଭିଯୋଗ କରିଛନ୍ତି । ପାକ ନୌସେନାର ଏହି କାର୍ଯ୍ୟରେ ଭାରତୀୟ ତଟରକ୍ଷୀ ବାହିନୀ ସତର୍କ ହୋଇଯାଇଛି । ଏହାପୂର୍ବରୁ ଗତ ଫେବ୍ରୁଆରୀ ମାସରେ ପାକ୍ ତଟରକ୍ଷୀବାହିନୀ ସୌରାଷ୍ଟ୍ରର ୩ଟି ନୌକା ସହ ୧୭ ମତ୍ସ୍ୟଜୀବୀଙ୍କୁ ବନ୍ଦୀ କରି ନେଇଥିଲା । ଏମାନେ ଏବେ କରାଚୀ ଜେଲରେ ବନ୍ଦୀ ଜୀବନ ବିତାଉଛନ୍ତି ।