୪୪ ବର୍ଷ ପରେ ଦେଖାଗଲା ଚଢ଼େଇ ‘ଫିନ୍ ବିବର୍’

ଏସିଆ ମହାଦେଶର ବିଭିନ୍ନ ପ୍ରାନ୍ତରେ କିଛି ବର୍ଷ ତଳେ ‘ଫିନ୍ ବିବର୍’ ଚଢ଼େଇ ବହୁଳ ସଂଖ୍ୟାରେ ଦେଖାଯାଉଥିଲେ। ଲୋକେ ଏହି ଚଢ଼େଇର ଶିକାର କରିବା ସହ ବିଦେଶ ରପ୍ତାନୀ କରିବାରୁ ସମୟକ୍ରମେ ଏଇ ପ୍ରଜାତିର ଚଢ଼େଇଙ୍କ ସଂଖ୍ୟା ହ୍ରାସ ପାଇଲା। ବିଶେଷଜ୍ଞଙ୍କ ମତରେ ଭାରତର ଉତ୍ତରାଖଣ୍ଡର ଜଙ୍ଗଲ ସହ ପାଖଆଖ ଅଞ୍ଚଳରେ ଫିନ୍ ବିବର୍‌ ବସା ବାନ୍ଧି ରହୁଥିଲେ। ୧୯୭୬ ପରଠାରୁ ଏଇ ଚଢ଼େଇଙ୍କ ଦର୍ଶନ ମିଳିନଥିଲା। ୪୪ ବର୍ଷ ପରେ ଗତ କିଛିଦିନ ହେବ, ଉତ୍ତରାଖଣ୍ଡ ଅଞ୍ଚଳରେ ଫିନ୍‌ ବିବର୍‌ ଚଢ଼େଇଙ୍କ ରାବ ଶୁଣାଯାଉଛି। ବର୍ତ୍ତମାନ ଆମ ମନୁଷ୍ୟଙ୍କ ଲକ୍-ଡାଉନ୍ ଚାଲିଥିବାବେଳେ ପଶୁପକ୍ଷୀମାନେ ନିର୍ଭୀକତାର ସହ ବିଚରଣ କରୁଛନ୍ତି। କିଛି ମାସ ତଳେ ହୋଇଥିବା ଅନୁଧ୍ୟାନ ଅନୁସାରେ, ବର୍ତ୍ତମାନ ସମୟରେ ସମଗ୍ର ପୃଥିବୀରେ ଫିନ୍ ବିବର୍‌ ଚଢ଼େଇଙ୍କ ସଂଖ୍ୟା ଅତିବେଶୀରେ ୧ହଜାର ହେବ। ଏମାନଙ୍କ ବଂଶବୃଦ୍ଧି ନିମନ୍ତେ ଭାରତ ସରକାର ବିଭିନ୍ନ ପ୍ରକାର ପଦକ୍ଷେପ ମଧ୍ୟ ନେଉଛନ୍ତି। ଏଇ ଚଢେଇ ସମ୍ପୂର୍ଣ୍ଣ ହଳଦୀ ରଙ୍ଗର ହୋଇଥିବାବେଳେ ଫିନ୍ ବିବର୍‌ଙ୍କ ବସା ବାନ୍ଧିବା ଶୈଳୀ ହିଁ ସବୁଠୁ ଆକର୍ଷଣୀୟ। ଅାନ୍ତଃରାଷ୍ଟ୍ରୀୟ ପ୍ରକୃତି ସଂରକ୍ଷଣ ସଂଘ ଏହି ଚଢ଼େଇକୁ ଦୁର୍ଲଭ ଚଢ଼େଇ ତାଲିକାରେ ସାମିଲ କରିଛି। ବିଶେଷଜ୍ଞଙ୍କ ମତରେ ବର୍ତ୍ତମାନ ଲୋକେ ସଚେତନ ହେବା ଜରୁରୀ। ସେମାନଙ୍କ ଅତ୍ୟାଧୁନିକ ଜୀବନଶୈଳୀ ପାଇଁ କେତେ ପ୍ରଜାତିର ପଶୁପକ୍ଷୀ ଲୋପ ପାଇଯାଇଥିବାବେଳେ ଅନ୍ୟ କେତେକ ପ୍ରଜାତି ଲୋପ ପାଇବାର ଦ୍ବାରଦେଶରେ ଅଛନ୍ତି। n

Comments
Loading...