ଖୁଣ୍ଟା: ଖୁଣ୍ଟା ଥାନା ତଥା ଗୋପବନ୍ଧୁ ନଗର ବ୍ଲକ ଅନ୍ତର୍ଗତ ଆରପଟା ନିକଟରୁ ଉଦଳା ବନ ବିଭାଗ ଶାଳ କାଠ ଗଣ୍ଡି ଚୋରା ଚାଲାଣ କରୁଥିବା ଏକ ଟାଟା ଡିଆଇ ୨୦୭ ଗାଡିକୁ କାଠ ସମେତ ଜବତ କରିଛି। ଗୁରୁବାର ଭୋର ସମୟରେ ଆରପଟା ଅଞ୍ଚଳରୁ ବାଲେଶ୍ୱର ଜିଲାକୁ କାଠ ଚାଲାଣ ହେଉଥିବା ଖବର ପାଇ ଉଦଳା ରେଞ୍ଜର ଅଜୟ ଦାସଙ୍କ ନେତୃତ୍ୱରେ ବନକର୍ମଚାରୀ ମାନେ ଭୋର ସାଢେ ଚାରିଟା ସମୟରେ କାଠ ଚାଲାଣ କରୁଥିବା ୨୦୭ ଗାଡିକୁ ଜିଲାର ସୀମା ପାରିହେବା ପୂର୍ବରୁ ଜବତ କରିଥିଲେ।
ଗାଡିରେ ୯ ଗୋଟି ଶାଳ ଗଣ୍ଡି ରହିଥିବା ବେଳେ ଚୋରା ବଜାରରେ ସେଗୁଡିକର ଆନୁମାନିକ ମୂଲ୍ୟ ଏକ ଲକ୍ଷ ଟଙ୍କା ହେବ ବୋଲି କୁହାଯାଉଛି। ଏହି ଘଟଣାରେ ସମ୍ପୃକ୍ତ ଥିବା ଅଭିଯୋଗରେ ନିଳଗିରି ଥାନା କାହାଳିଆ ଗ୍ରାମର ସୁରେଶ ଚନ୍ଦ୍ର ନାଏକ(୨୪) ଓ ଖୁଣ୍ଟା ଥାନା କୁସୁମିଆ ଗ୍ରାମର ଦେବ ପାତ୍ର(୩୦)ଙ୍କୁ ଗିରଫ କରାଯାଇଛି। କାଠ ସମେତ ଗାଡିଟିକୁ ଉଦଳା ରେଞ୍ଜ କାର୍ଯ୍ୟାଳୟରେ ରଖା ଯଇଛି।
Comments are closed.