କ୍ୱାର୍ଟର୍ସରୁ ୪ଜଣଙ୍କ ମୃତଦେହ ଜବତ ଘଟଣା: ଶ୍ବାସରୁଦ୍ଧରୁ ସମସ୍ତଙ୍କର ମୃତ୍ୟୁ – ବ୍ୟବଚ୍ଛେଦ ରିପୋର୍ଟ

ଭୁବନେଶ୍ବର: ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁରସ୍ଥିତ ଆଇ.ଟି କଲୋନୀ କ୍ୱାର୍ଟର୍ସରୁ ଗୋଟିଏ ପରିବାରର ୪ ଜଣଙ୍କ ମୃତ୍ୟୁର କାରଣ ଉପରୁ ପରଦା ଉଠିଛି। ଖାଦ୍ୟରେ ବିଷକ୍ରିୟା ଯୋଗୁଁ ନୁହେଁ ବରଂ ଶ୍ବାସରୁଦ୍ଧ ହୋଇ ସେମାନଙ୍କ ମୃତ୍ୟୁ ହୋଇଥିବା ବ୍ୟବଚ୍ଛେଦ ରିପୋର୍ଟରୁ ଜଣାପଡିଛି।

ସୂଚନାଯୋଗ୍ୟ, ଆଇ.ଟି କଲୋନୀ କ୍ୱାର୍ଟର୍ସରେ ଭଡାରେ ରହୁଥିବା ରଞ୍ଜିତ ପ୍ରାସାଦଙ୍କ ଘରୁ ଦୁର୍ଗନ୍ଧ ବାହାରିବା ପରେ ଶୁକ୍ରବାର ପଡ଼ୋଶୀମାନେ ସନ୍ଦେହ କରି ପୁଲିସକୁ ଖବର ଦେଇଥିଲେ। ଘଟଣାସ୍ଥଳରେ ପୁଲିସ ଓ ସାଇଣ୍ଟିଫିକ ଟିମ୍ ପହଞ୍ଚି ମାଜିଷ୍ଟ୍ରେଟଙ୍କ ଉପସ୍ଥିତିରେ ଘରର କବାଟକୁ ଭଙ୍ଗି ଚାରୋଟି ମୃତଦେହକୁ ଉଦ୍ଧାର କରାଯାଇଥିଲଶ। ପାରିପାର୍ଶ୍ବିକ ଦୃଷ୍ଟିରୁ ବିଷାକ୍ତ ଖାଦ୍ୟ ଖାଇ ପରିବାରର ସମସ୍ତଙ୍କ ମୃତ୍ୟୁ ହୋଇଥିବା ସନ୍ଦେହ କରାଯାଉଥିଲା। ଏହା ସହ ଶୀତ ଦିନ ହୋଇଥିବାରୁ ନିଆଁ ପୁଇଁବା ପାଇଁ ଘର ମଧ୍ୟରେ ନିଆଁ ଜଳାଯାଇଥିଲା ଏବଂ ସେହି ଧୂଆଁରେ ଶ୍ବାସରୁଦ୍ଧ ହୋଇ ସମସ୍ତଙ୍କ ମୃତ୍ୟୁ ଘଟିଥିବା ମଧ୍ୟ ସନ୍ଦେହ କରାଯାଉଥିଲା। ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା। ଆଜି ବ୍ୟବଚ୍ଛେଦ ରିପୋର୍ଟ ଆସିଲା ପରେ ମୃତ୍ୟୁର କାରଣ ସ୍ପଷ୍ଟ ହୋଇଛି।

Comments
Loading...