ନ୍ୟୁଜିଲାଣ୍ଡକୁ ୨୯୭ରନର ଟାର୍ଗେଟ ଦେଲା ଭାରତ

ମାଉଣ୍ଟ ମୌଙ୍ଗନୁଇ: ନ୍ୟୁଜିଲାଣ୍ଡ ବିପକ୍ଷ ୩ୟ ଦିନିକିଆ ମ୍ୟାଚରେ ଭାରତ ପ୍ରଥମେ ବ୍ୟାଟିଂ କରି ୭ ଓ୍ବିକେଟ ହରାଇ ୨୯୬ ରନ ସଂଗ୍ରହ କରିଛି। ନ୍ୟୁଜିଲାଣ୍ଡ ୩ୟ ଦନିକିଆ ଜିତି ସିରିର କ୍ଲିନ ସୁଇପ ଲକ୍ଷ୍ୟରେ ରହିଛି। ନ୍ୟୁଜିଲାଣ୍ଡକୁ ଏହି ମ୍ୟାଚ ଜିତିବାକୁ ହେଲେ ୨୯୭ରନର ଆବଶ୍ୟକ ରହିଛି।

ନ୍ୟୁଜିଲାଣ୍ଡ ଟସ୍‌ ଜିତିବା ପରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଭାରତ ବ୍ୟାଟିଂ ଆରମ୍ଭ କରିବା ପରେ ମାତ୍ର ୮ ରନରେ ପ୍ରଥମ ୱିକେଟ ହରାଇଥିଲା। ପରେ ପରେ ୩୨ ରନରେ ଅଧିନାୟକ ବିରାଟ କୋହଲି ଏବଂ ୬୨ ରନରେ ପୃଥ୍ବୀ ଶ ଆଉଟ ହୋଇଯାଇଥିଲେ। ଏହା ପରେ ଶ୍ରେୟସ ଆୟାର ଏବଂ ରାହୁଲ ୧୦୦ ରନ୍‌ର ଭାଗିଦାରି କରି ଦଳର ସ୍ଥିତିକୁ ସୁଧାରିଥିଲେ। ମାତ୍ର ୩୦.୩ ଓଭରରେ ଶ୍ରେୟସ ଗ୍ରାଣ୍ଡହୋମଙ୍କ ବଲକୁ ଡିଫେନ୍ସ କରିବାକୁ ଯାଇ ୬୨ ରନରେ ଆଉଟ୍‌ ହୋଇଯାଇଥିଲେ। ମନୀଷ ପାଣ୍ଡେ( ୪୨) ଏବଂ ରାହୁଲ (୧୧୨)ରନକରି ସ୍ଥିତିକୁ ସୁଦୃଢ କରିଥିଲେ। ହେଲେ ଉଭୟ ୪୬ ଓଭରରେ ବେନେଟଙ୍କ ଶିକାର ହୋଇଥିଲେ। ପରେ ରବୀନ୍ଦ୍ର ଜାଡେଜା ଓ ସାର୍ଦ୍ଦୁଲ ଠାକୁର ପାରିକୁ ସମ୍ଭାଳିଥିଲେ। ସାର୍ଦ୍ଦୁଲ ୪୮ତମ ଓଭରରେ ୭ରନ କରି ଆଉଟ ହୋଇଥିଲେ। ପରେ ନବଦୀପ ସଇନି ଜାଡେଜାଙ୍କ ସହ ମିସି ପାରି ସମ୍ଭାଳିଥିଲେ। ନବଦୀପ ସଇନି(୪ ) ଜାଡେଜା( ୭ )ରନ କରିଥିଲେ।

Comments
Loading...